قل (لـــــبريمر) يامذيع وخبر اصحابه = قله يطلق صراح الشيخ قبل تاليها
من قديـــــــم لنار الحرب شـــــبابــــه = اســـال (بـــلير) يعرف كل ماضيــــها
كـــل يوم الامريكي ينقـص حسـابـــه = يوم شـــــــــبت عـــــلــيكم مــن يطفيـها
الله انذر وحـــذرفي محكم كــتــــا به = كل آيــــــــــــة تـــــفــــسرها معانــيـها
العـــــــــدو بيّن القــــــــــوة هي ارهـــــــابه = يــبتعد والمـــــــحارم مــــا يفا جيــها
قـــــــــولــــــــوا للغايب يحضر من غيابه = قربت الســـاعـــــــــة والكل يرجيــــــهـا
الثعالب تدَوج داخــــــــل الــــــــــغابــــــــه = والاســــــــــــود الكواسر في مخابيــها
شـــــــــــيــخنا عندهم ماينهب نهــــــــــابه = والله انه علــــــــيهم شــــــــين تاليـــــــها
كان جانا نـــدا (مـــــتـــعـــب)سمعنا بــه = صيحة الــــــــــوايــــــليه غير نحييــــها
يــــعلمون ان (مــــتعــــب) تتبعه لابـــه = بني (وايــــــــــــل) بدانيها وقاصيــــها
السجن كان طول نكسر ابــــــــــــوابــــــه = حروته حـــــــــــالفين غير ناتيـــــــــــهــا
(كــول بـــاول) وعـــــوده ليه كذابــــــه = قال ســـــــــــاعات واخلف في تواليـــــهـا
مــــــــا يفك الــــــــديار ويحمي ترابـــــه = غير قـــــــــــــــــوم قديمات عـــــزاويــــها
النصر (لعــنزة) وان صارت حرابـــه = دعـــــــوة عن رســـــــول الله نرويـــــــــها

بديت ذكر الله على كل الأحوال = الحاشر الناشر عظيمً جلاله
الحمد له حقق لنا كل الأمال = وعقل علينا شيخنا من اعتقاله
يوم الكفر طغيانهم زاد بهبال = ونيران فتنتهم يزيد اشتعاله
مافرقوا بين النشامى والانذال = من حقدهم طغت عليهم ضلاله
طاحو بما لاحوا عساهم بزلزال = بغوا مضرة شيخنا بأحتياله
ما دريوا ان الشيخ من دونه أبطال = دونه لك الله حايلات جباله
دونه زمول صايجه مابها عقال = ويلان سيل نازل من خياله
اكفخ بجنحان السعد يابن هذال = يوم انتخو عندك رجال الشكاله
يومن هل العوجا رفيعين الأمثال = دريوا بحالك عجلوا بالرساله
اخوان االانوار مابهم قول من قال = نفرح بفزعتهم ليا جا مجاله
هذا فهدنا ذخرنا ذرب الأفعال = سيف العروبه كلنا في ضلاله
أيضا حمد نبراس للخير فعال = وليا نخيته جاء من راس جاله
ملوك البحر لطامة الضد لا عال = طيب الخليفة من قديمً لحاله
والشيخ جابر علمكم جاه بالحال = ضل يتحرى لين حقق مناله
يستاهل الفزعات شيخ ٍ له أفعال = كل القبايل نالت منه جماله
أعتق رقاب فوقها السيف عمال = وأطلق مساجين وفرح عياله
زيزوم وايل كلها مابه جدال = مكانته بالناس محـــــد ٍ ينــــاله
شيخ الشيوخ معرب الجد والخال = نسل المحزم طيبها من سلاله
متعب ثقيل الروز نقاض فتال = بشر ومسلم تلتزم يا حكى له
متعب هديب الشام للثقل شيال = ميلات بقعا بالشدايد رسى له
حاش الكرم والمرجله مبغض المال = يمناه تنفق ما تشاور شماله
شيخ مضرى للصعيبات حلال = كم شدةً حلحل معاقد حباله
يا أخوان بتلا فعلكم يذهل اذهال = يشهد لكم تاريخكم باحتفاله
انتم هل العليا والأيام باقبال = متروسين في ثبات وبساله
وأثني لماجد مثل حر ٍبله جال = جعل ابو ثامر دايم الخير فاله
لا ياخو بتلا ماتبي سايل سال = يعقوب يبكي والسبب هم عياله
وهذا زمان للأجاويد غربال = يومن به الصعلوك يفخر بخاله
وأطلب من المولى عسى يرحم الحال = حيثه سميع يسمع الي شكى له
وفعل الكفر ببلادنا يشده البال = وأقول دولتهم على الله زواله
وصلاة ربي عد ماهل همـــال = على نبياً ارسلــــه بالعـــداله