إن كان قصدك بهجرانك تعذبني = انا عيوني من اجلك نثرت ماها
وإن كان قصدك تحايل لجل تسلبني = أنا اسيرك ورجلي ثقلت اخطاها
وإن كان في خاطرك يازين تنكبني = نفس نكبها زماني والهوى اغواها
وإن كان حاكم علي حكمٍ يغلبني = ياجاير الحكم ربي فيك سواها
الاعبك وانت لك عادة تلاعبني = لك لعبةٍ سابقه ماكنت انا انساها
اشفي غليلي ليامن جيت تطلبني = واكويك في جمرةٍ ماكنت تاطاها
أوردك مشربٍ عليه تجذبني = واسقيك من علقمٍ ماينشرب ماها
غلطان كانك تأمل يوم تغلبني = كم ناس قبلك كويناها بعلباها
اسأل وتاجد كثير الناس تعرفني = من لاحسبني 00بدلو مقيط ورشاها

المشاركة الأصلية كتبت بواسطة اسمحلي مجنون (المشاركة 965883) ==================أنا اسيرك ورجلي ثقلت اخطاهـا عجز البيت الثاني 000000أعلاه ليس مكسور او فيه ثقل>>>>ولكن ياقل اللي يبي يقراه صح0000 واقول لك ياراع الزلفي صح لسااااااااااااااانك مدد بلا عدد000000تحيتي

المشاركة الأصلية كتبت بواسطة أسير القوافي (المشاركة 966014) صح لســااااانك ياراع الزلفي .. محبـووووكـه وجميلة :) لا تبخل علينا بالجديد .. إحترامي

المشاركة الأصلية كتبت بواسطة ولدعساف (المشاركة 966674) صح لســااااانك ياراع الزلفي ..

المشاركة الأصلية كتبت بواسطة خلف القثامي (المشاركة 967533) وإن كان في خاطرك يازين تنكبني ***نفس نكبها زماني والهوى اغواها صح لسانك ع القصيده الرائعه