ارتجي رب السموات مرجي من بخيله= يسعد الروح الشقية ويطفي غله
واشهد ان الصبر ياصافي الوجنه جميل= التزم بصبر حتى تجي في حــله
سقني من ذبلن درهن كسلسبيل =اسق عطشان الضماير كبدي بله
والله الي كون الكون مرضابك بديل =لو عطوني نخبة اهل الجزيره كله
وانت الي تقدر تسو المستحيل = لو تبي تشيل روحـي بيدك شـله
لا تسمع سوالف وقالو قال وقيل = شجرة الزقوم يحرم علينا ضـله
دايمن نظرة عيوني مبدا الطويل =أعرف الازذال وعلا الجبال ادله
وكان في قلبك مثل مابقلبي يا جميل=بللي قذلك قدام وجهي فـــله
انت مالك شكل فالخلق سبحان الجليل = بك مزايا كل راعي نظر يفطله
فيك طول العنق والخصر والطرف الكحيل = كبد تشفيها بعينـك وكبد تعله