يا طفل لا تحزن ولا يدخلك همّ = مدام أبو متعب بعينه يراعيك
قلبه كبير وما نقل حقد(ن) وغم = أهني الشعب السعودي و أهنيك
دون الوطن والشعب فالحرب والسلم = لو هو بيدي كان من عمر ي اعطيك
على الطفل والشيخ يا أصحابنا عم = هذه شهادة حق والرب يحميك
بنيت للآيتام مسكن وملتم = عوضتهم لمسة حنان بأياديك
تصرف على شعبك ولا قلت من كم = الله يابو متعب يحقق أمانيك
في منزلك متقدم الخال والعم = فيك الوفاء والعدل وأسمى معانيك
دولة على التوحيد ما فيه مغرم= كل(ن) خذا حقه ولا فيه تشكيك
ياموطني نفديك بالروح والدم = مها حصل فالوقت ما مات مغليك
بيت(ن) بني من ساس وشلون يهدم = تسعى إلى القمة وتحفظ مباديك
والعلم نور وكلنا نطلب العلم = وأعرف صديق الروح وأعرف معاديك
والله يحمينا من الغدر والظلم = وأسمع رسول الحق وهوه يناديك
على الصبر والصدق معاد ابه حلم = من قلب صادق كل واحد يهنيك
ومن سار في درب الشقاء لازم يندم= لا تستمع قوله ولو قام يدعيك
دربه بلا غاية ولو طال مظلم= وان طحت في دربه صعيبة يواسيك
هذي مشاعر واضحة وأنت ملهم = أختار لك درب(ن) يعزك ويهديك

المشاركة الأصلية كتبت بواسطة الراي السديد (المشاركة 981658) و عليكم السلام و رحمة الله صح لسانك يا بو دحيم قصيده جزله من راس جزل و الله يطول في عمر ابو متعب و اخوانه مشكووووووووووور

المشاركة الأصلية كتبت بواسطة سيف السليس (المشاركة 981671) :: صح لسـآنك .. وننتـظر القـآدم ,, ::