الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - وأبديت به يا مطر ما أخفيت (http://www.otaibah.net/m/showthread.php?t=104324)

وأبديت به يا مطر ما أخفيت

البارحه يا مطر ما امسيت
حلو الكرى ما تهنيته

أزعجت من يسكنون البيت
هوجست والصوت جريته

على وليف عليه اشفيت
انا اشهد اني تمنيته

ابو جبين سواة الليت
وقرن على الردف ثاعيته

لا شفني قال لي حييت
يطرب ويفرح لاجيته

يا ماعلى شوفته سجيت
ومع دربه الرجم عديته

وأبديت به يا مطر ما أخفيت
والدرسعي فيه غنيته

واليوم عن سيرته صديت
صديت والغي خليته

لكن هيضتني بالبيت
ياليتني منك ما اوحيته

الشاعر : عيد بجاد معوض ابن شدة العتيبي

الله الله ..

صح لسان الشاعر .. وبيض الله وجهك ..

أخوكـ : الدجيماااء ..!!

صح بدنك لاهنت وحياك الله

صــح لسانك يامبدع .. على هذه الابيات الطيبة

صح بدنك يالخطيب لاعدمنا هالطله الغاليه علينا