يا قلب لا تقسى على من يـودك=ولا عـدوك لازم انـك تـحـرّه
لاتجر نفسـك للمشاكـل بيـدك=واحذرمن اللي كل يـومٍ تمـرّه
تفشي له الأسرار وتبيـح سـدك=ماتدري انـه مايضـرك يسـرّه
ماكل من يضحك بوجهك مـودك=لو بيّن الوجه الحسن فيـه حـرّه
تلقاه فـي درب الخطايـا يمـدك=ولا عاد باقي للحيـاء فيـه ذرّه
وليا زعل واقفـى وفارقـك ودك=ارتحت من بلواه واكفـاك شـرّه
واخذ النصيحه من تجاريب جدك=نصيحـة فيهـا تلاقـي مـبـرّه
وفي الحق لاتجامل ولا أحدٍ يردك=لاتجامله لو كـان جـاك يتشـرّه
لويكثرون النّاس مليـون ضـدك=لاتحيد عن درب النزيهين مـرّه
ولا تعاين اللي للوهايـا يشـدك=ماينفعك لو جاك منهـا مضـرّه