يامشتكي دنياك لاتشتكيها=دنياك يامخلوق منها وفيها
عمرك قصير ولاتلحق عليها=ماخلقت الدنيا بيومآ وليله
ياراحل الدنيا ويامرتحلها=الله خلق كل النفوس وكفلها
والروح عند الله تاجد عملها=ماوضع فالميزان يرجح بكيله
الناس خلقت ربها اللي خلقها=لاكن في شتى الطبايع فرقها
ناسآ حرمها الله وناسآ رزقها=وكلن بها الدنيا يحصل حصيله
المال زينه في حياتك ودنياك=والاخره هي مستقرك وماواك
ياسرع مسراحك وياسرع مضواك=وقدمك ترا جنه و نارآ مليله
في يومك الماعود ماعنه مجناب=وقافيك يامخلوق تعذيب وحساب
ماشي عن الله تخفى ولاغاب=في ساعتآ فيها الثواني طويله
أحدآ كتابه في يمينه مواسيه =وأحدآ كتابه في شماله بمافيه
هذا عملك اللي عملته ملاقيه=من حيث ماجالك تراك بتجيله
عملك مالك عنه صد ومفرا=تلقاه يامخلوق خيرآ وشرا
مالك ذرا من دون ربك تذرا=ساعة تبرا من عميلآ عميله
ساعة يفر المر من والدينه=يارب أسآلك الرضا والسكينه
يارب نج اللي تقافة سنينه=عبدك ولاله غير عفوك وسيله
ياذا الجلال المنفرد في صفاته=عبدك مقصر في مبادي حياته
نجه بيومآ فيه يجمع شتاته=من غير حيلك ماش قوه وحيله
يارب تعلم سر عبدك وخافيه=وتعلم بما يخفي وتعلم بمبديه
على صراطك رب ثبت خطاويه=واجعل حسناته بوزنك ثقيله
يارب سكنا بدار النعيمي=وتحيل بين وجيهنا والجحيمي
وعلى صراطك ربنا المستقيمي=تحفض خطانا وأنت راع الفضيله
يامكون الدنيا ويامنزل الدين=ياخالقآ أدم أبونا من الطين
أكتب لنا يارب من حورك العين=ثنتين من فضلك لعبدك حليله
يارب تجعل موتتي في صلاتي= ساجد ولك يارب باخر حياتي
يارب هاذي هي جميع أمنياتي =نسالك وأنت اللي تمد الجزيله
وختام ماقلته سلام وتحيه =على شفيع الخلق سيد البريه
المصطفى المختار لله نبيه =عليه صلو عد وبل المخيله

المشاركة الأصلية كتبت بواسطة محمد عويض الثبيتي (المشاركة 992759) أحدآ كتابه فـي يمينـه مواسيـه وأحدآ كتابه في شمالـه بمافيـه هذا عملك اللي عملتـه ملاقيـه من حيث ماجالك تـراك بتجيلـه صح لسانك تقبل مروري