آه(ن) من الوقت يابو عماش لو تدري=كله غثـا مـع بـلاوي يالله الخيـره
لو كنت داري بهذا الوقت من بـدري=ماكنت تعبت نفسـي فـي مشاويـره
وقت(ن) يبذ الخفا ويضيق الصـدري=ماشفت حالي كسـاه الهـم والحيـره
قم شغل الشاص نبغى عالي القـدري=قرم(ن) يهلي ويفرح فـي مساييـره
ياعل يفـداه راع الغـش والغـدري=واللي على الناس شر ومانع(ن) خيره
لا جيت أبو نجد زاح الهم عن صدري=أفرح بشوفه ونعم الرجـل والسيـره
وألا أنت عالي مقامك ماهو الحـدري=يابن الكريمين زبن الطيـب وأميـره