اربع سنين ارجيه مثل المزن واستمطر سماه = وانا على كبدي من الفرقاء لواهيب وجمر
يقول ( قدرك ) واصلٍ حدّ السحاب بمستواه = واقول له ( حبّك ) تجاوز للثريا والقمر
واقول له جرحي عميق وخابرٍ عندك دواه = ويقول لايدري عن الموضوع زيد ولا عمر
وهو عارفٍ قلبي فطين ولا أحدٍ يبحث خفاه = والسر مابين الظلوع وحافظه طول العمر
تعال داو القلب لاتقطع رجاي ولا رجاه = ودي بشوفك ما طلبت مصافح وليلة سمر
انا غرقت و وصلك الميمون لي سترة نجاه = عطني حبال الوصل قبل الشوق يغمرني غمر
أماّ يزين الوضع ولاّ الموت اخير من الحياه = انا ماعاد ارقد سواة الناس والحال اندمر