سبحان ربٍ في علاه امتعلي=جلّ وعلا كل الامل والرجا به
اسجد رضاً له والتجي له واصلي=ماخاب عبدٍ يلتجي في جنابه
يابادع القيفان بالله قل لي=معنى القصيدة وين هجسك نحى به
يدل شرق وغرب يمكن يدلِ=به تورية والمبتدا به غرابة
وياهل التواقيع اسمحوا واسمحن لي=ما كل غيمة في سماكم سحابة
احيان كسف وبالنكايد يهلِ=عارض مطر عاد اكتووا في عذابه
ولو قالوا الدجال بالدار حلي=ياكثر من يقنع ويقبل كذابه
وياكثر من بالفرس لو جوا يهلي=وتلقى ثعالبنا تعود ذيابه
ما يكتسب حب الوطن بالتحلي=حب الوطن دمٍ يروّي ترابه
وحب الوطن ماهو قصيد وتسلي=دون الوطن تزأر اسودٍ بغابه
لو بادع القيفان لحظة سمح لي=اشرح معانيها وابين جوابه
الدار قالت ما اذكر انه حصل لي=عزٍ من اللي يلعنون الصحابه
جوني عبيديون في عصر زلِ=انتسبوا ال(بنت الرسول)الكلابه
ومع النصارى حاربوا قائدٍ لي=اسمه صلاح وعودوا في خيابه
والقرمطي بالحرب للسيف سلي=وخلى عماري في جيوشه خرابة
وشال الحجر والركن من كعبةٍ لي=عشرين عام وسبع عنده غدا به
جاك الجواب وكان لك قول قل لي=بقصيدتك للفرس ما قلت جابة
ولا قلت بقلوب الأباليس غلي=ولا قلت زودهم نجاد بزهابه
هم جاملوك وغيبوا جابةٍ لي=وانا بقلبي للعقيدة مهابة