لاياسفير القلب عند المحبين =قلّه ترا اللي اعرفه من كتابه
شيّن قليل وبس روس العناوين=والخافي اعضم عند ربّي جوابه
وإن جيت ابا اقراها بدالي طريقين=وانا دروبي كلبوها تشابه
دمع الفراق يهل لجل المقفين=وعقبه يشعلل فالضماير عذابه
مايدري ان العيش من عقبهم شين=قلبي ضرير وحضرته ما درابه
وإن كان لامنّا سألنا تضيقين =كلن مكانه محتفض في زهابه
انا عليّا الدين ياقاضي الدين=ابيك توصلني لحضرت جنابه
خل الدموع تهل من محجر العين=وخلّه يصفّي قبل يرحل حسابه
معاد ضني يالمشاعر تلينين=لاصار ما بين الحنايا تشابه
الحب لجله يرحلن الضلاعين=وشوفي طميّه يوم طوّل غيابه
هذا مثل يابنت كانك تحبّين=ردّي عليّه ولبسيني ثيابه

المشاركة الأصلية كتبت بواسطة ولدعساف (المشاركة 1048628) صح لسانك مدد بلا عدد تقبل مروري و لك خالص المودة

المشاركة الأصلية كتبت بواسطة أبونايف الروقي (المشاركة 1049620) باين العتيبي صح لسانك واعتلا شأنك . تقبل مروري

المشاركة الأصلية كتبت بواسطة عبدالله بن طلال (المشاركة 1051489) صح لسانك ولاهنت وضربت مثل صادق بجبل طميه وان ما اقتنع المذكور .. اتركه وماجاك عندي والعوض في غيره :) تحياتي لك