يابو رغد صاحبك كثرت بلاويه = وبين من افعاله عليه اشتباهات
شف يالسنافي من هو اللي مخاويه = ورده عن افعال الردى والمتاهات

يامرحبا ترحيب غالي بغاليه = أليا فقد غاليه في بعض الأوقات
ثم جاه في وقتٍ ماصدق يجي فيه = عقب الأمل ماظاعبه والرجا مات
وقبل من الفرحه أرجوله وياديه = وظمه على صدره وجر التنهات
اللي بميسم حبه العام كاويه = واليوم فيه أمن الهوى خمس كيات
من لا قداه الفكر مانيب قاديه = حقه يغنيلي وأنا رد الأبيات
وأنقض معاني قافه اللي مسويه = تقدير أله بين المخاليق بذات
هو مادرى اني قلبه احب اهاليه = واليوم احبه والمحبه لها اثبات
واثباتها انه كل ماحل طاريه = قلت اه وا ليت الليالي ابه جات
وان قالي يابو رغد قلت لبيه = لبيه ياصوتٍ ماهو مثل الاصوات
ولا ترى مثله فلاني بناحيه = الفرق شاسع والاوادم مقامات
وصويحبه ماني بيمناي غاذيه = حتى اعدل فيه بعض الحركات
أما ومرته فيه ماني بناهيه = مالي ورى تفريق الاحباب مقظات
واللي بصدري يعلم الله خوافيه = يشهد عليه الله رب السموات
لاني بلا كاني ولا ني بمبديه = دام الغلا فالقلب واحلامي اشتات

المشاركة الأصلية كتبت بواسطة ابن صنهوت (المشاركة 1050883) صح لسانك يالمبدع !!!!! عندي تحفض عليها ههههه

المشاركة الأصلية كتبت بواسطة زياد الشطيطي (المشاركة 1050910) صح اللسانك يابو رغد مبدع كالعااااااده تحياتي وتقديري