من يوم قالوا ترى نجد مسيول = وقلبي كما طير ينهض حباله
قالوا لي العذال تدله على طول = وقصرت وطالت مير ما نيب داله
ويا عاذلي واردك ما هو بمقبول = مير اسمحوا لي كلاً ابخص بحاله
مشف بنجد وسجة فيه بحلول = وقت الربيع اليا سقى الغيث جاله
ما مثل نجد وخص وادي الرشا اقول = زينه الا اخضرت مراتع حلاله
زينه اليا شفته من البدو منزول = واليا جا عليه رسوم كلاً عنى له
محبتي له وقت رجعان ومحول = ما نيب ناساً سجة مع رجاله
ربع على وقت القسا تذبح الحول = اليا جاهم الطرقي دله عن عياله

احب نجد وخاطري منه مشتان = مشفي على شوفه جباله وخده
مشفي على شوفه ومن فيه سكان = حضر وبدو نازلين بمهده
ما اقبل به التسرير لعلو طينان = وما حدته عروى على المستجده
زين التمشي فيه من بعد ودان = هواء عذي ورقةٍ مجرهده