سلام والا مرحبـا واحتـرت فـي ترتيبهـا=والضيف في بيته مضّيف والعلم فوق العمود
ياراعي اليمنى الكريمه قوم صافحنـي بهـا=واللي مضى في سالف الايام علـه مايعـود
ليلة وفا تجمع ذوي مجنـون ذعـذع طيبهـا=يفوح فيها ريح بن وريح هيل وريـح عـود
وانا حضرت افرح بها واشـوش واماريبهـا=واطرب لجمعة راي زاكين النسب وارقى سنود
مادام وجهات النظـر نعمـل علـى تقريبهـا=تحفنا الرحمـه وتجمعنـا مواريـث الجـدود
والرفقـه يرحـب بهـا الرجـال ويلبيبهـا=ويمد كفـه بالوفـا وبكـل مايملـك يجـود
يسهل علينـا لجتمعنـا سهلهـا واصعيبهـا=واللي يكود اليـا اجتمعنـا كلبونـا مايكـود
يوم الليالي في قديم الوقـت عـاون ذيبهـا=حنا ليا منـا تناخينـا عـن الهقـوه نـزود
ناقف لصعبات المواقـف ماحسبنـا غيبهـا=وعلى الوفا والنظره لعليـا مواقفنـا شهـود
واليوم في ظل وذار عـن بردهـا ولهيبهـا=نسير في خدمة وطنا والـولا لابـن سعـود
وسلام والا مرحبـا واحتـرت فـي ترتيبهـا=والضيف في بيته مضيّف والعلم فوق العمود