| خلف سرحان الثبيتي |
04-Jul-2010 10:04 PM |
ياالي مرافقني وتشذب قفايه=شذب القفى ماهو بطبع الرياجيل
ياالي مرافقني وتشذب قفايه=شذب القفى ماهو بطبع الرياجيل
سكين في ظهري وجهي مرايه= نسيت كيف يدرج فالفناجيل
نسيت يوم اقسم لكم من عشايه= وادموع عينك تنمسح بالمناديل
واليوم مثل الذيخ تطرد ورايه=ومزين مجلسك بالقال والقيل
عانك على افواه الخلايق روايه=واهمه على مجلسك صدر ومقابيل
هذي بدايتها وكيف النهايه=ولاظن تنضف لو نغسلك فالنيل
مادام في يمناي قاضب عصايه= من ميزتي مالد يم المهابيل
انا من ابويه موصى وصايه= وياك من صحبة قليل المحاصيل
لكن روح ولنت لاحق مدايه= ياهيه ياشايب بعقل الجهاهيل
منته بلاقي ناس تدمح كمايه=واليا نقصلك كيل توفي لك الكيل
خلك ساوت البوصله مع عدايه=واليا انتهى لك جيل ياتي بعد جيل
اعطيتك انا وجه هذا خطايه=وافهم كلام ان جاك ماودي اطيل
قال المثل علمته انا الرمايه=وراع المثل صادق على كل ماقيل
هذي نصيحه عز جدر البنايه= وعلمي وصلك مفصل العلم تفصيل
وعن عدكم نويت ابطوي رشايه=وعد بليا طيي يرجم من السيل
وهماج عدك ماقطعلي ضمايه= لو السنين عجاف فالوقت ماميل
وانا مع اهل العرف يذري ذرايه= الابه اللي فالقى تسرج الخيل
اهرج ولاينشب لساني جمايه= ومالي يديني بالرجايل الحلاحيل
يكفيك مني جرعتن من دوايه= ودور شللك وفالقفى شدو الحيل
وماجاك مني سد فيه الكفايه =وانا لقيت اعوضك ذباحة الحيل
|
