الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - لكل شاعــر .. (http://www.otaibah.net/m/showthread.php?t=112627)

لكل شاعــر ..

الله من قلبن هجوسه مناديب = سجة ضلوعه مثل سج الرهيفه
تنادبني مثل حر المشاهيب = حزة هجوع الخلق وقت النصيفه
واطرت علي ابيات بعض اللواعيب = اهل البيوت الصارمه والمنيفه
الي على الاطلال فوق المراقيب = قد صخروا شرد الهجوس المخيفه
ومن فوق قبن تدحم الجمع لاهيب = قد فرقوا بين الوليف ووليفه
باسباب بيتن من لسان المعاطيب = اهل الفعول الماضيات الكليفه
نطاحة القاله بوقت المواجيب = وريف المسير في شتاه ومصيفه
هذا لزوم الشعر وقت المطاليب = ماهي طوارن في زمنا كسيفه
اعلامنا يركض وراء فرية الجيب = اقصد وتلقى في زمنا وظيفه
الشهره الي من وراها مكاسيب = مانقصت قدر الزحول العفيفه
ماطلعت غير الخبول المصاويب = اهل الخنا واهل العلوم المجيفه
من كثرة المسكر طلع يعلم الغيب = واصبح خويي الجان واصبح حليفه
ماتردعه شيمه ولايردعه عيب = ويسب جاره وابن عمه وضيفه
ويذكر عفاف وريم بالحب والطيب= وفيها الجمال الي يذوب لطيفه
ويشحذ عماره كل ابوها سردايب = ويشحذ ملك من شان فله نظيفه
شلة سرادن كل ابوها عذاريب = تبغى تنافس بالهروج السخيفه
والي يدور في زمنا مشاذيب = يلقى علوم اهل العقول الخفيفه
والذيب يقنب والعرب حافها الريب = اسحم ظهر مالد عينه بجيفه

الشاعر: عبدالله بن عبدالعزيز البدراني الحربي ..

راع االجرداء

ماقصرت حقيقه امتعتني بهالعذبه

بيض الله و جهك و لاتكفينا وحده ننتظر جديدك ....

هل أنت ! عبدالله البدراني أم منقوله القصيده ؟......

صح لسانك ياعبد الله الحربي وبيض الله وجهكـ
شاعر بمعنى الكلمة وننتظر جديدك يالغاااااالي

اقتباس:

المشاركة الأصلية كتبت بواسطة محمد موسى المقاطي (المشاركة 1069657)

لاهنت على المرور ..

نعم انا عبدالله البدراني ..

تحيتي ..

اقتباس:

المشاركة الأصلية كتبت بواسطة فهد علي العازمي (المشاركة 1070153)

صح لسانك ياعبد الله الحربي وبيض الله وجهكـ
شاعر بمعنى الكلمة وننتظر جديدك يالغاااااالي

صح بدنكـ طال عمرك ..

ولاهنت على المرور ..

تحيتي ..