صداقة الطيب يا سلطـان نومـاس=وانا على عرف الرياجيل شفقـان
جاني طلبك ومرحبابك من الـراس=ترحيبة حلو العسـل يـا كحيـلان
ابوي وصاني على رفعـة الـراس=وخوة هل الطاله طويليـن الايمـان
وانا وردت لعـد لباسـة الطـاس=وصدرت رويان بعد رحت ضميـان
ولي الشرف يا معرب الجد والساس=وقرب النشاما ما يقـدر بالاثمـان

ارسلت ابي رفقتـك مانـي بعسـاس=ادري يا بن صنهوت مانـي بغلطـان
صافي صداقتكم كما عقـد الالمـاس=غالـي ثمنهـا والحـصـن شانـهـا شان
والطيب (والطيًب ) فخر ماله قيـاس=يطلب ولو انه ورى ساحـل عمـان
وانا ادري انك شاعر مرهف احساس=وان خضت لجات البحر جبت مرجان
تم الكلام ولك ذهـب مالـك نحـاس=سطرتها لك من وفى قلـب ولسـان

صح أللساااااان ابن صنهوت

وصح أللساااااااااانك ياسلطاااااااان


تحياااااااااتي

والطيب (والطيًب ) فخـر مالـه قيـاس=يطـلـب ولــو انــه ورى سـاحـل عـمـان

المشاركة الأصلية كتبت بواسطة عبدالمجيد النفيعي (المشاركة 1069326) صح الله لسانك أنت وبن صنهوت الذي يتضح لنا من خلال مشاركاته في الإنترنت بأنه رجل خلوق وطيّب والطيب والطيّب أنصفتهم بهذا البيت والطيب (والطيًب ) فخـر مالـه قيـاس=يطـلـب ولــو انــه ورى سـاحـل عـمـان

المشاركة الأصلية كتبت بواسطة محمد موسى المقاطي (المشاركة 1069658) صح السانك و صح السان بن صنهوت والله يوفق الجميع امتعتونا بهالمساجله

المشاركة الأصلية كتبت بواسطة نزهان الروقي (المشاركة 1079841) صح لسانك يابن صنهووت وصح لسانك يالمفرجي