طلعت انا في عاليات المراقيب =بمرقاب رقراق النسايم تلوحه
فيه الهبايب شاذباته شواذيب=يما تبين في صخرها إجروحه
وعويت عويت أطلسيٍ ولد ذيب=أفخت عشاه ولا لقاء له إسروحه
وكسر محاني صدرها والترابيب=وعبراتها بالقلب أقفت إبروحه
اوجس بكبدي مثل صلى الواهيب=من هالزمان اللي يدينه شحوحه
يمناه يؤثرها ويسراه به عيب=في مفترق هاك الدروب النزوحه
شباب لكن اكتسى راسي الشيب=وظيعت من هم اليالي فروحه
همٍ يجي حقاً وهمٍ يجي ريب= وهمٍ محيطه أطلسيًَ سفوحه
وهمٍ يجي نارن وهمٍ معاطيب=وهمٍ يهد الحال ينقض صروحه
يالله ياقيوم ياعالم الغيب=وعالم سؤالي بالأزل قبل أبوحه
طالبك ياربي جزل المواهيب=يالواحد المعبود نبي السموحه
يطلبك عبداً كل مابه عذاريب=وانت الرحيم وعالماً ما بلوحه
الطف بحالي ومن ترجاك مايخيب=ومن لاذ بك يارب تلطف بروحه

المشاركة الأصلية كتبت بواسطة مرزوق حمدان العتيبي (المشاركة 1086475) .. . الله الله يابو يوسف اولا يامرحبابك سعداء بهالطله وثانياً صح لسانكــ مدد فقد ابدعت ... قصيده جزله ومفيده ...

المشاركة الأصلية كتبت بواسطة شاعر الثغر العذب (المشاركة 1086493) «®°·.¸.•°°·.¸¸.•°°·.¸.•°®»صح السانك جزله من شاعر مبدع سلام«®°·.¸.•°°·.¸¸.•°°·.¸.•°®»

المشاركة الأصلية كتبت بواسطة ذيب الشلاوى (المشاركة 1086500) ونعم و الله ياعبدالله يوسف بيض الله و جهك على هالقصيدة الرائعه تقبلوا خالص تحياتي أخوكم ذيب الشلاوى