| عبد الكريم العازمي |
20-Sep-2010 11:26 PM |
ماصارت بعصر الجدود المشاهير....
سلام والقيفان ورد ومصادير=من قوها يقدح عليكم سناها
أظلم سماكم يالرجال المناعير=بعد انكشف عن الحقيقه غطاها
بعد السيول وبعد سوق المظاهير=جفت أراظيكم وروح حلاها
منول بحرفه وحسن التدابير=يدير قومه شيخها لارعاها
واليوم جعل أموركم كلها خير=كلً هوى نفسه ويتبع هواها
ماصارت بعصر الجدود المشاهير=اللي بحد السيف تلطم عداها
فيهم رزانة عقل وفيهم سعاطير=ومن دون نصر الدين تعلن ولاها
ياللي طعنتو فالبشر طعنكم غير=يخلف ظلوع الصدر ويلعن ثواها
أرضيت شخص وبالغصب مزعلّ الغير=ياكثر ناسً مابغينى رظاها
وأنكان راح اللي يضد الطوابير=اللي له الجزله ويثنى علاها
راح الدلو راح الرشا بقاعة البير=والناس ماندري وش اللي بلاها
وياللي طعنتو فالبشر طعنكم غير=يخلف ضلوع الصدر ويلعن ثواها
|
