يـا سلامـي علـى كـل الأعضـاء وإدارة المنـتـدى=عـد نجـمٍ بـدا بيـن نجـم اليمانـي ونجـم الـجـدي
قالـوا أن أول الغيـث قطـره تشـادي لقطـر النـدى=يا ثعول امطري يا بروق ابرقي يا رعود ارعدي

بالنيابه عن إدارة الصرح واعضاه فى المبتدى=مرحبا هيل والليل لا آنت بمخضرم ولامبتدي
السوالف لها فرع غير اصلها مشّها في قـدى=آنت تحت السحابه تمنى المطر لو تهل بردي

البقاء واكثر الناس يعجبك صوته وصوت الصدى=عبـد ربـه ليـا مـا عـرف قبلـتـه يـركـع ويسـجـدي
معـي سيـفٍ يقـص العظـام وحديـدٍ ولا بـه صـدى=كـل كـافـر لابــده تـحـت رحمـتـه يسـلـم ويهـتـدي

اترك الخلق للي خلق ما آنت غاوي وراعي ردى=والآوادم معـادن وهـذاك طيّـب وهــذا ردي
المعاني شبك والحذر ترتبك لو يطـول المـدى=يابراهيم بالهون ما آنته بمجنون تعـدي عـدي

عوذ ابليس والفرصـه اللـي تجـي لا تـروح سـدى=والله أنـي ليـا قمـت للبيـت ابـا حــج واذبــح فــدي
من يغوص البحر يطلع الدر ما هـو ضعيـف جـدى=وأن بغيت ابذل الجهد يا صاحبي ما يضيع اجهدي

كل شيٍ بحسبه تفضـل وخـذ ماتبـي ماعـدى=شيٍ ماتستطيعه وأنا يالجذع دون حلقـي يـدي
من يغوص البحر كان ماينتبه راح وجبة غـدى=في فم الحوت ابوموت والحوت مايعترف بآجودي

أنت صايبك شك اترك الشك ما فات مـات وفـدى=يا عبيد الله أحسب حسابك وخل البسـاط أحمـدي
ما حسبنا لمن جا يقود الجمل لن زعل وأن هدى=وأبك حنا نسوق الجمل قدمنا مثل سـوق الهـدي

فى المعارك هزايم ونصر ويجي فى الحروب شهدى=وآنت حاشد جيوش وعتاد ومعك شبهة المعتـدي
لد لطويق والنير وإسرق نظر فـوق قمـة شـدى=ما آنت للهرجه البارده كـل ماصادفتـك إمحـدي

والله أنـي معـك ليـن يدعـيـك للـحـق صــوت الـنـدى=وأن حصل معركه ذبحت الخصم من سيفي ومجندي
أنـت قـدام صــدام وش جايـبـك يــا الـصـدر مقـتـدى=والعـوارف ليـا اوحـت كلامـي تبـا تبصـم وتشـهـدي

الذكا صبغة الاذكيا والبـلاده نصيـب بلـدى=لاتحد الأوادم لحربٍ ضروس وتـروّح نـدي
لاتشبّهني بما يشابهك وتشوف يوم اسـودى=والعوارف ليا اوحت كلامك تعرْفك نجاد احمدي

لا تحاول تبـا تقنـع النـاس مـا فيـه ذيـب اربـدى=وأنت لك ذيبٍ اشهب يحدك عن الضلع للجرهدي
العرابـي فالأعـراب مثـل الخبـر والجـذع مبـتـدى=والله أن المراجـل صعيبـه علـى دافــي المـرقـدي

آنت جندي يا افندي تدرب تحت عين وأمر إعمدى=لايغرّك مجامل هل العـرف ليتـك بهـم تقتـدي
إستوت للكحل عينك الساهيه لو نظـرك ارمـدى=كيف صارالخبر راعي المبتدى وآنت جيت بعـدي

يا العرابي ترا الرمح له ضربتٍ ما سترها الردى=كـان مالله هـداه يتـوسـد يــده مــا لـقـا مسـنـدي
آه ليـت العرابـي بعـد مـا سـرا لـالطريـق أهتـدى=أثـر فـي كبـده مـن البدايـه حـراره وقلبـه صـدي