خل الزعل والهجر خله = ياصاحبي لاتجافيني
كني عقب صدك بمله = ولوصلك الشوق طاويني
صاحبك صدك عذاب له = عذ بالله إمن الشياطيني
أذكر جميل الغلا كله = ترى الهوى له موازيني
حبل الهوى بالك إتله = لاصار ماجاك بهويني
تابع مساره على حله = وإليا ارتخى شده بزيني
كل ماإنقطع سينه إفتل له = لايرث مابينك وبيني
واللي أنعقد منه بنحله = وأبي يدك ليدي تعيني
الخل يدمح خطا خله = وإن كابر يهون بحيني
بأرضيك لو جيتك بزله = بس لاتصد وتقصويني
كثر الجفى بالهوى يخله = لا يشمت اللي معاديني
لا نصير لأرياقهم بله = من عقب مايبست سنيني
كانك تبي دربي إدله = لاتقول ماعاد يمديني
أنا رفيقك على المله = فيماتبي لك على الديني
ماهو تصنع ترى جبله = تشين الأيام ماشيني
سيف على ماتبي سله = بالنصب والا اللقا الشيني
بس إحذر الحد وإفطن له = لاأقول ماعاد يمديني
ترى اللي ماظنك أوصله = بتشوفه العين بالعيني
قلته وأنا القول قد له = ولأقفيت لاعاد ترجيني

المشاركة الأصلية كتبت بواسطة عبدالله الجـــذع (المشاركة 1100919) الله الله كفو والله صح لسانك على القصيده بحر مميز وقاف اروع لاهنت وننتظر المزيد يالغالي محبك

المشاركة الأصلية كتبت بواسطة محمد العتيبي (المشاركة 1100921) ياسلام الف شكر يالغالي على الرائعه .. استمتعت بقرائتها .. تحيتي ..

المشاركة الأصلية كتبت بواسطة محمد العتيبي (المشاركة 1100921) ياسلام الف شكر يالغالي على الرائعه .. استمتعت بقرائتها .. تحيتي ..

المشاركة الأصلية كتبت بواسطة ابو نادر الحافي (المشاركة 1100990) صح لسانك يانايف وقصيده في قمه الروعه