هيّض وراجع حسابي ضرب هوجاسـي=اللـي منحنـي شهـادة فخـر ورتبّـي
قال إلزم الصمت لـو النـاس تحتاسـي=تراك كاسـب لنوماسـك علـى غبّـي
لاترخص النفس لاجل الغافـل الناسـي=ولاتتبع اللـي يصـبّ المهزلـه صبّـي
ياللي تحسـب الرجولـه بالتفسفاسـي=إنزل تحت ماتبعتـك لـو تعايـب بـي
ماهي شجاعـه رجـل للمجـد جلاسـي=اللي على الكلمه الشينـه يجـرب بـي
قد قالها الشافعـي فالنـاس الأنجاسـي=قال أرفع الراس عنهم وأتـرك السبّـي
أنا أحمد الله وسيع العـرف وسياسـي=من فضل ربّي ولـي وقفـات ماتسبّـي
ومن قوّة الشعر كنّي شخـص عبّاسـي=يحق لـي وأفتخـر لـو كنـت متنبّـي
آموت من شان عزّي مانحنـى راسـي=لأنّـي ولـد شيـخ متعلّـم ومتـربّـي
ماني نتيجة ( سفاهه ) في زمن قاسـي=ولاني ضحيّـة هـوى نـاسٍ تلاعبّـي
ماعمر ناس أجبرتني وأترك إحساسـي=وماعمري أجبرت من صدّوا على حبّـي
آضحك مع الناس لحظه وأكتم أنفاسـي=والنار بالشوق وسـط القلـب تشتبّـي
كنّي ومع بحر حزنـي جيـت غطّاسـي=أسبح بحور الفخر ولعينـه أقـرب بـي
محـاور الليـل والآحـلام حسّـاسـي=مصاحب الطيـب لجـل الخالـق ملبّـي
سفينـة الشـوق ودّتنـي لوسواسـي=تغرق بعد ماتهـوّر بـي وتقلـب بـي
لعيون عذراً هدبهـا موطـن إحساسـي=اللـي تفاخـر بنظراتـي وتتعـب بـي
يبقى شموخي لهـا أمّ عيـون نعّاسـي=تغرف بطعم السعد منّـي وتشـرب بـي
ألبس لباس الشـرف وآفصّـل قياسـي=وأصل الشرف كنز وأطربّـه ويطربّـي
ولو رغبتي ماتناسب ( محترم ساسي )=ماهو على الكيف لكن شيء مـن ربّـي
أنـا بـدويٍّ ليـا ماجـازت النـاسـي=شبيـت نـارٍ لهايبهـا تشاعـب بـي
أسلّي النفـس مـع نـاري ومحماسـي=وأطرب لشوف النشامى اللي تصاحب بي
يشوش راسي لهـم ويطيّـر عماسـي=وليـا بـدى لازمـي مانـي بمتغـبّـي
ياهل القلـوب النظيفـه ذاك نوماسـي=ورمز التواضع صفاتي والفخـر طبّـي
أرهقت نفسي طموح ولانقطـع ياسـي=وكم من همومٍ مع الدنيـا تكالـب بـي
أخـذت هيبـة وفـاء وبرقـمٍ قياسـي=ومتابع إحسـاس قلبـي ماتسبّـب بـي
ياللي كفاك الزمن مـن غثربـة كاسـي=تـوّك صغيـر بزمانـك لاتطالـب بـي
والله مارخص لمقـداري ولـو فاسـي=يقطـع عـروق الجفـا ويعافهـم نبّـي
أخذت صيد الحروف وجيـت عسّاسـي=من ورث أبوي وعناوينه تناسـب بـي
ولولا الخطأ والتجارب ينكسـر باسـي=لكن آداريه حتـى الصـح يرحـب بـي
آدوس تحـت قدمـي ذلّـي ولانداسـي=وعدي وعهدي وعز الراس يلعب بـي
(آعيش دايم بطل لـو ينقطـع راسـي)=هذي( خلاصة شجاع ) وناصـره ربّـي

قد قالها الشافعـي فالنـاس الأنجاسـي
---------قال أرفع الراس عنهم وأتـرك السبّـي




صح السانك يامنصور الدرين

قصيدة رائعه

تقبل مروري

ومن قال يسلم ياولد عساف

صح بدنك وأحبك الله

ومن قال يسلم يابن عساف

ضح بدنك وأحبك الله الذي أحببتنا فيه

إحترامي

صح بدنك أستاذي : أبو مرحبآ

والأروع تةواجدك وتشريفك

إحترامي

صح بدنك يامحمد

وتواجدك مشرف الله يحييك

كل الإحترام