رباعيه جديده والمقلب اللي مشا من يصيده...؟؟
 

السلام عليكم ورحمة الله وبركاته



محاوره رباعيه بين حبيب وشبيب ضد محمد السناني وصقر


وفيها مقلب جامد وحبيت اطرح الموضوع وارى اراء الاعضاء اترككم مع المحاوره والله الله بالردود



السناني

ياحبيب بأي الاحزاب متمكن وفايز
مسعف الجرحى مكلف بتكفين الجنايز
معركه ما الله كتبها مثل ماكنت عايز
والنتيجه واحد اثنين صفر ياحكم

غن وابدع ياحبيب في قناة الروقه *** وازعج الروقه وبرقا الصوت لاياصلها


صقر

ياشبيب الوضع هادي ولا فالوضع حاجه
كل واحد في مجاله يعبر عن مزاجه
كل كسر ن ينجبر غير تكسير الزجاجه
والنتيجه واحد اثنين صفر ياحكم

كل ليل وكل يوم اعصابكم محروقه *** يالله استر لا تروح المنطقه با اكملها


حبيب

حزبي الحزب الذي طال كل الطايلات
وانت يامحمد على خير حزبك ود هات
روحن الاولات وفكروا فالتاليات
والنتيجه واحد اثنين صفر ياحكم

القمر فوق السناني والعتيبي فوقه *** لوتحزم به جهينه فالخلا فشلها


شبيب

ادري ان الوضع هادي ولا فالوضع شكه
لاتسبب مشكله بين اهل جده ومكه
انت تبغانا نفكك ترا مافيه فكه
والنتيجه واحد اثنين صفر ياحكم

صاحبي يبغى حقوق الناس فوق حقوقه *** مير لابده بعد دور لها ياكلها


السناني

انت لوانك كما كنت فالبيت المشيد
كان يمدي لك ليا اليوم عند الربع سيد
مير رحت بمعمعه والنطايح ماتعيد
والنتيجه واحد اثنين صفر ياحكم

طالما ان العازمي كل الجنوب تعوقه *** لايعصب الراس والصكات يستحملها


صقر

انت مانت بساكن ن قبلة الاسلام مكه
انت يم جلال لكن جنبك فيه حكه
كان تبغا صك لجلال من يعطيك صكه
النتيجه واحد اثنين صفر ياحكم

وانته اللي متهم فالخزنه المسروقه *** حملة ن من ماضي الايام متحملها


حبيب

ماتبقى الا خرابه مجمع للبسوس
مير انا مانيب عايش على طرد اللحوس
رافع ن راسي وادوس العدو بالرجل دوس
والنتيجه واحد اثنين صفر ياحكم

لوتطول الشوشه اللي كلها محلوقه *** فالاخير علوها يرجع توال اسفلها


شبيب

ديرتي ديرة رجال الوفا والمقدره
وانت من يم المريصيع ترث مخمره
مير يابن مثيب خل العلوم مستره
والنتيجه واحد اثنين صفر ياحكم

يستحق السرقه اللي ماحفظ صندوقه *** ليش يترك بابها مفتوح ماقفلها

مشكوووور يالغاااالي مااااقصرت ..

القمر فوق السناني والعتيبي فووووووووووووووقه
غريبه طافت جنيه الذهب

القمر فوق السناني والعتيبي فوقة
ماني مصدق انها طافت على السناني ، انا رغم اني ماني بشاعر لكن لمحتها على طول فما بالك بالسناني الله يستر لايكون موكل حبيب منكح ماكشفناه

غريبه شلون فاتت شاعر خنذف ماني مصدق ،،

اصلا واضحه ...

القمر فوق السناني



والعتيبي فوقه ؟؟

ياشين بعض المقالب

ربما السناني تجاهلها

ومحاورات حبيب ومحمد ارفع واسمى من هــذا

لاهنت يالمطيعي


طاروق قوي جدا

خصوصا بين السناني وحبيب




المقلب يرجع على حبيب لكن السناني عقله مع المعنى ولم يهتم بما قاله حبيب رغم أنها غريبه فهو يحب مثل تلك اللمحات الشعريه

صراحة حبيب مسوي مقلب في نفسه خخخخخخخخخ

ممكن خانه التعبير

أضيفوها مع موضوع ابن روق أبيات ضد أصحابها

ههههههههه

صاحبي يبغى حقوق الناس فوق حقوقه *** مير لابده بعد دور لها ياكلها


لله درك ياشبيب شاعر قوي وتعجبني محاوراتك ومتابع لك مُنذ مبطي لكن الدنيا حظوظ


لاهنت يالمطيعي