يا هجوسي حضري من كل صوب ونيه=الروابع والطواري تدحم فالجاشي
يا سلامي يالبناخي من هجوس حيه=صادقه ولها على راس الحجا معراشي
سامع لي علم والحسنه ما تجزا سيه=والمطر لانهل وبله ما يقال رشاشي
بعد ما بكرتك ساموها هل العيديه=انت وش سويت قلي يا طلال الناشي
بيع والا يالبناخي روحت عاريه=ماعتقد تترك حلالك للزبون الماشي
خابرك ذيب ما تجهلك السوالف ذيه=ما تدين فالمعرفه تشتري بالكاشي
اطمعوبك كيف يا رجال صارت ذيه=والجواهر غاليه واللول ما يناشي

= = = = = = = = = =

مرحبا والله يحيي خالي وطاريه=كل ماغنا وانا غتيت ششت وشاشي
ثم جاتك كلبوها تسحر المنقيه=من فحلها كلها تسحرك لاصغر حاشي
يا عطاالله شحذة الاجواد ماهي ليه=الكرامه عز نفسي والغتاه افراشي
لو راع الحرد يعطي جيب فوق الميه=يلعن الله نية المرشي واخوه الراشي
والذلول اللي كساها الزين كسب ايديه=والمكاسب غاليه ما تنعطى للاشي
انت يا بناخي مجري ويش هاقي فيه=تحسبني طمعة للخيش والغشاشي
ان عطيت اعطي طناخه ماهي ابجبريه=وان تركت ابو عكش بين البشر ماعتاشي
الشبل نسل الاسد والداب نسل الحيه=والضبا في روسها ما قد خبرت اعراشي

المشاركة الأصلية كتبت بواسطة نايف المغيبي (المشاركة 1110606) صح السان عطالله وكذلك طلال ناشي ولكم تحيتي(الحليوي)

المشاركة الأصلية كتبت بواسطة ابن سرحان الثبيتي (المشاركة 1110624) اطمعوبك كيف يا رجال صارت ذيه والجواهر غاليه واللول ما يناشي الشبل نسل الاسد والداب نسل الحيه والضبا في روسها ما قد خبرت اعراشي ياسلااااام " ابن صنهوووت صح لسانك وصح لسان ابو ناشي على هالصوت والصدى الرااااائعه "

صح بدنكــ يانايف


تحياتي

المشاركة الأصلية كتبت بواسطة طلال ناشي (المشاركة 1112382) صح ألسااااااانك يابن صنهوت ولك مني كل التقدير

المشاركة الأصلية كتبت بواسطة عناد الشيباني (المشاركة 1112392) الله الله مساجله رائعه صح السااانك واللسان طلال