بإسم عبدالله واسم ربعه إروقة الحجاز=مرحبا والله ياأمير القبيله كلها
جيتك يابن ربيعان منها الشعر فاز=والقوافي من مزون القصيد إتهلها
من روابي نجد إلى الطائف أخواناً عزاز=من رجال عتيبه اللي يظلل ظلها
كلنا ربع اوقبيله ولا فيه إنحياز=عزوة الهيلا بدق العلوم او جلها
عزوةٍ بين العزاوي يميَزها إمتياز=الشجاعه والكرم والمروَه دلها
عزوةٍ ماتنخنع للعبث والإبتزاز=والقلوب اللي بها غل ندبل غلها
ساسنا ثابت ونبني على الساس العزاز=الأصاله والقيم والسلوم إندلها
وانت شيخ القوم ياضلع راسي مايراز=وانت في يمناك فتل العلوم او حلها
رحت وقلوب القبيله معك كل الحزاز=والعلوم أوَل بأوَل نبي نوصل لها
عودتك كلاً يبشر بها عبر الجهاز=فرحة عتيبه وكلاً حجاجه فلها
وبإسم عبدالله وإسم ربعه إروقة الحجاز=مرحبا والله ياأمير القبيله كلها