الخوي
 

(الخوي)

الخوي اللي بدت خوته لجل اللزوم=لاطلبته شي روح وخلاني وحيد
صحبته ماغير شهرن ومعهازود يوم=وبعدها يروح يبحث يدورله جديد
والخوي اللي على صاحبه دايم ظلوم=صحبته ماهي تشرف ولاهوفيه فيد
يوم يقفي صاحبه منه قفاه السهوم=يلحقه بالنم عند العرب مثل البريد
والخوي اللي معا صاحبه في كل دوم=صحبته مع صاحبه هي تراها أكثر رصيد
تنشرى بالمال ونزود فوق السوم سوم=وسومها أغلا من وزون الذهب ويا الحديد
وأشهد أن الوقت علمني دروس وعلوم=وشفت منه الصح ويا الخطا وأيضا المفيد
والمجالس هي مدارس على فعل السلوم=مايجنب عن سلوم الوفا غير البليد
والقمربين يغطي على نور النجوم=والوفا ماينقص الرجل لابله يزيد
والحرار الطيبه نازله فوق الرجوم=والردي ينزل تحت عنه العالي مكيد
ولاينزل قيمة الرجل ياكود الرخوم=لاتبعهم في دروبن عن العليا تحيد
والنميمه لانقلها وسواها علوم=
لاتعده فالعرب وخذ هالعلم الوكيد
ذاه جعله ياعرب تحرقه نار وسموم=وسط نارن تحرقه والغذاء منها صديد
ومايرفع قيمته كود لاصاحب قروم=أهل الماجوب والطيب والراي السديد
والصلاه وحج وإيتاء الزكاه وكل صوم=لجل وجه اللي ترانا تحت عرشه عبيد
ذاه جعله فالحياة السعيده له قسوم=وإن دنا يومه عساء موتته موتت شهيد
وسلامتكم
الشاعر/ضاوي عبدالله الشيباني

صح ابدانك وهذا من ذوقك

صح لساانك

ياضاوي الشيباني



ولاهنت ياوصل على التنسيق




تقديري

صح لسانك واعتلا شانك

صح أبدانكم جميعا ولاهنتم