يالـلي تــنـشـــدني عــن الــمــســتـجــدات=خـــذ الـكــلام الـلي مـوثـق و معـقــول
آخــر زمـان مـبــيــنـة لــــه عـــــلامـــات=الــلـي مـوضـحـهـا لـنا خــيـر مرسـول
جيران تـال الوقـــت صـاروا خــــواجــات=قـود مـورنـنـق وهـــاي والوضع معـلـول
مــافــــيـــه لا دلــــه ولا بــــه زيــــــارات=الــبـاب دايــــم طـــول الأيــام مقــفـول
ولــيــا دعــيـنــاهــم يـقــولـــون عــــادات=والــهــرج فـيـهـا عـنـدهـم غير مقبول
والبعـض منهــم غــايــبٍ كــــل الأوقـــات=مفـقــود مـاكــنه عــن الـبـيـت مـسـؤل
خـلــفــه خـــدم ويـقــدمـــون الـخــدمـــات=لأم الـعـيـال ووضـعهـم وضـع مجهـول
والصـنـف الآخــــر مايـحـــب العــلاقــات=لـيا عـــزمــتـه قــال يا رجــل مشغـول
يركـض ورا الدنــيـا وجــمـــع الـريــالات=مـن حــبـهـا يـجري تقـل جري مهـبول
وقـــتٍ مـضـى لـلـجـار والجـــار جلسات=الـكــل يـفــرح عــنـد مـا يصـله الـدول
مفـتوح بـابـه ما وضـــع فـيــه شــاشـات=جـــاره يـنـاديـــله ويدخـل عـلى طـــول
والعــود الأزرق والـــدلال الـنـظـــيـفــات=والـمـجـــلس الـلي بالـرياجـيل ماهـول
على ما شوف من البشر عـصرهـا فـات=راحــــت وأهــلـها ما بقى منهم الزول
إلا الــقـــلــيـل ويـذكـــرون الـمــعــانــات=بالـجـــيـره اللـي حــالــها حال مشـلول
تغـــيـرت مـن يـوم جــانا عـــرب ســـات=واللاب توب اللي على الكـتف محمول
صـــرنــا نـقـلـــد مايــجــي بالـــقــنـــوات=لو إنها مـوضـه عـلى شخــص مبدول
لـيـش الـمـديـنـه غـيــرت عــنـدنــا الذات=الله لا يـجـــزاك بالـــخـــيـر مــحــلـول
اللـي يـغـيـر طــبـع الاجـــــواد بســكــات=فــيـــروس ضــد لـلـتـقـالـيـد معـمــول

المشاركة الأصلية كتبت بواسطة فهد رشيد الزلامي (المشاركة 1120806) [po صــــــــــــــح لـــســـانك يابوعبدالله قصيده جزله وقايلها جزل ومعبره وتحاكي الواقع بدون مبالغه تقبل تحياتي وسجل إعجابي

المشاركة الأصلية كتبت بواسطة سعود العصيمي (المشاركة 1120809) تغيـرت مـن يـوم جـانـا عــرب ســات واللاب توب اللي على الكتف محمـول صـرنــا نـقـلــد مـايـجــي بـالـقـنـوات لو إنهـا موضـه علـى شخـص مبـدول ليـش المدينـه غـيـرت عنـدنـا الــذات الله لا يــجــزاك بـالـخـيــر مـحــلــول الـلـي يغـيـر طـبـع الاجــواد بـسـكـات فـيــروس ضــــد للتـقـالـيـد مـعـمــول قصيده رووعه من شاعر راائع وجزل وتحكي عن حقيقه بالفعل صــــــــــــــح لـــســـانك يابوعبدالله