لولاي ادله خاطري وانضم القـاف=وانــا تدلهـنـي تماثـيـل قـافــي
خصـن لياعديـت فـي راس مـشـراف=ناب الحجـا فـوق المراقيـب نافـي
اجر صوتي وازعج الصوت باسـراف=حـتـى يجاوبـنـي قنـيـب الهـجـافـي
ذيبٍ عوى وانكف بعد شاف ماعـاف=عود وجوعـه فـي السراجيـف خافـي
لـولاه جاوبنـي واناشفـت ماشـاف=وياشيـن ماسرحـان هالوقـت شافـي
لإغدي كما غصنٍ علـى راس مهيـاف=لاقام تلعـب بـه هبـوب السوافـي
قضيت ماض العمـر وسنينـي عجـاف=عزيـزنـفـس ولاشـكـيـت الـخـلافـي
دنياي تسقينـي مـن المـر مغـراف=لوهي سقت غيري مـن النـاس صافـي
واليوم دنيانا ترى مابها أحساف=يابوحـمـد ماتسـتـحـق الحـسـافـي
يغنيك عنها مع هل الدين ميقاف=اهل القلـوب الصامـلات النضافـي
دعوه وعلم وذكر واداب واعـراف=وسلـوم قـومٍ مادخلهـا اختـلافـي
ياما انصحو من عاصيٍ ذالف إذلاف=فـي غيهبـان المعصيـة كـان هافـي
يمشون مع نهج الصحابـة والاشـراف=نهج الشـرف والعـز نهـج العفافـي
للمرجلة فيهـم عناويـن تنشـاف=اهل الوفى ياحـي مـن كـان وافـي
لاصرت معهم ماعلـى مثلـي اخـلاف=لاصــار ديـنـي سـالـمٍ ومتـعـافـي
لاطعت من نـزل تبـارك والأحقـاف=عــلام خـافـي خافـيـات الـخـواف

المشاركة الأصلية كتبت بواسطة جزاء العتيبي (المشاركة 1121512) الشاعر شامان الروقي صح الله لسانك والله يعطيك العافية تقبل تحياتي

المشاركة الأصلية كتبت بواسطة نايف المغيبي (المشاركة 1121597) الاخ الشاعر/شامان الروقي الله يعطيك العافيه على هذه القصيد الذي بكل صراحه استمتعت بقراءتها

المشاركة الأصلية كتبت بواسطة عناد الشيباني (المشاركة 1122342) صح الساااانك مدد بلا عدد