سلامتك ياراس ن الشعبه ايدين=أيدين تعطي من جمايل حنانه
سلامتك يالي جعلت البراهين =من جودك المعروف يكسب ارهانه
سلامتك يالي ملا مقلت العين= حب وغلا فوق الرضا والميانه
فيك الشجاعه والبتاعه عن الدين=وفيك الزهد عن مغريات المكانه
على الشريعه بطشك أقسا من البين=ونعيم شعبك شانك ومنك شانه
وفيك التواضع والأبوه والانسان=وفيك الرحوميه وفيك الليانه
وأقبل أسفنا صعب نوفيلك الدين=وجعل الذي صابك طهور وحصانه
ياخادم البيتين وأقصى فلسطين= على العروبه شلت شوك المهانه
سلامتك يامنبع الجود مخطين= ومنك السموحه ياعدو الجبانه
حنا السبب بالام ظهرك من ادنين=وزاد التعب يومك حملت الأمانه
ندري تشيل أهمومنا كم لك سنين=وحنا الالم يومك تحس ابمكانه
شلت اليتاما والضعوف المساكين=وكلن بعد ربي يعيش بضمانه
ليت التعب فينا ولاشلته امين =والي رفع فوق المنابر أذانه
ياغالين يفدا من قلوب غالين=شعب ومدن تفدا عزيز المكانه