ترى التجافي فالنهايه يا خلي = يبعد قلوب احباب و يقرِّب احباب
ليتك تجي و تشوف وش صايرن لي = حتى تميِّز بين كرهك و الإعجاب
من بعد ما قفيت يا كل كلي = معاد تحمل دمعتي روس الأهداب
اصارع الدمعه غرور و تعلي = من خوف لاكسر شوكتي بين الأصحاب
لكن تعصاني وترجع تهلي = لا طاب لي وقتي و لا خاطري طاب
لو ان ضلع طويق جاين محلي = يمديه من شي تسويه قد ذاب
لا جيت ابا حل العقد ما تحلي = من دونها حراس واقفال و ابواب
وانته عليَّه بالخطايا تسلي = سيف اتهامك واصبح القلب منصاب
مغِير تتبعلك سرابٍ مولي = والشك يرمي بك على حفرة الداب
ترى الكلام اللي وصلّك وصلّي = فالناس به حاقد و حاسد و كذاب
اطلب من الله كل ما جيت اصلي = انه يجازي كل من كان الأسباب

المشاركة الأصلية كتبت بواسطة ضاوي الشيباني (المشاركة 1125946) الله الله صح لسانك مدد بلا عدد

المشاركة الأصلية كتبت بواسطة عيضه الثبيتي (المشاركة 1126030) ياسلام ياسلام مبدعـ يامشعل الجعيد تقبل إعجابي

المشاركة الأصلية كتبت بواسطة ابو فايح (المشاركة 1126095) الله الله الله ابداااااااع يا بو جويبر صح لانك مدد بلاعدد