سلامٍ أحلا من حليب المزايين = أمجملة راعينها لحلبوها
للضيف ولا للربوع الموالين = ما تخلف الهقوات لا بهلوها
يملا لبنها فاضيات المواعين = لا كثرو الضيفان ثم قربوها
رغوة لبنها فوقها حول شبرين = ذا طولها من فوقها لاشبروها
أسهاف الايدي ضافيات العرانين = ذودٍ تجمل لحية اللي قنوها
جرد الرقاب مرجحات الموازين = لا جا نهار العرض ثم عرضوها
تطلع بيدها والمواقف براهين = غصبٍ على حسادها رشحوها
الطببع زين وزينها يكحل العين = ووصوفها تتعب ليا وصفوها
البل لها فقلوب الاجواد تمكين = تجلا هموم القلب لا قابلوها
حتيش لو ياصل علفها ثمانين = لو يرتفع فالسوق ماهملوها
اللي ولدها باعته تقضي الدين = ياما خذو منها وياما عطوها
سودٍ ليا سيمت تسام ابملاين = واللي جبر سوامها صيت ابوها
الله ياقاها عيون الشياطين = والله يرفع قدر من قدروها
وليا نشدتوني عن البل هذي وين = لقيتها والناس قبلي لقوها
عانوا عطايالله تراها في يبرين = أمع الكرام اللي لحاها اكرموها
أعزاز واللي في طرفهم عزيزين = كم قالةٍ كبرت وثم أحتموها
نطاحة الماجوب سقم المعادين = أهل ابيوتٍ تقري اللي نصوها
أكرام وآبنا كرام وآبنا كريمين = والطيبه ورثٍ لهم وورثوها
يوم المراجل ضرب شلفى وسكين = وجردٍ تفج الروس لا ثورها
ذيدانهم ترعى الحيا بين حدين = لا نبتت أحدود الجزيرة رعواها
والله يجزى الخير حسبة هل الدين = اللي مراسيم الحفل نظموها
بقدامهم دايم بوصط الميادين = وكم من مفاسد فالوطن حاربوها
أجهودهم تشكر من أول وهاللحين = وأعمالهم في صفنا كلبوها
دايم ليا منه زغرنا المليعين = اجيوبهم تكفي ليا وقفوها

المشاركة الأصلية كتبت بواسطة عناد الشيباني (المشاركة 1126748) الله الله صح السااااانك ياطلال بس عاد الله يستر لايرتفع الشعير الى ثمانين بعد قصيدتك ههههههههههههه احترامي

المشاركة الأصلية كتبت بواسطة ضاوي الشيباني (المشاركة 1126757) صح لسانك ولاهنت

المشاركة الأصلية كتبت بواسطة وصل الشهيب (المشاركة 1126793) الأخ الشاعر طلال ناشي صح لسانك على هالقصيده الجزله ماقصرت مع الإبل المجاهيم الناقه بملايين تستاهل الكيس بثمانين المشكله اللتي تواجهنا مع الخروف اللي صار بألفين الله يعين اللي يكرمون الضيوف يبو ناشي وبصراحه ماقصرت مع المطاوعه دايم ليا منه زغرنا المليعين = اجيوبهم تكفي ليا وقفوها ههههههههههههه أبدعت وأمتعت تحياتي