البارحة لجت هجوس الهم في وسط الضمير=اجلت لذيذ النوم عن روحي واباحت سدها
ترادمت فوقي حمول(ن) مايقوم بها البعير=وان شالها تالي حياته يشتكي من ضدها
حدتني الدنيا وجربت الصغير مع الكبير=لابو حياة(ن)ترخص الغالي ولا بو جدها
لا حدك الوقت الغبر على الذي مافيه خير=قدر(ن)بنيته للثريا طاح كلها قدها
ريح ضميرك يا ردي الساس واحذر لا تطير=ماانته بكفو(ن) للحرار اللي يروعك هدها
ماني وانا فواز من يرضى المعونة من حقير=نفسي عزيزة ما لك الله للضعيف احدها
اصبر على جور الليالي لو يصير اللي يصير=بالعزم نركي للحمول الجايرة ونشدها
وان ضاقت الدنيا وصارت مثل وقاد السعير=زبنت من هو يعطي الجزلات دون يعدها
اللي خلق عبده وباحواله وحاجاته خبير=اللي ليا جاته عباده مقبلة ماردها
الواحد اللي بالعبادة ماخبرنا له خشير=اللي رفع سبع(ن) بلا عمد وسبع(ن)مدها
ودام الليالي بأمر ربي في فلكها تستدير=لابدها تصفى مشاريب العذا لا بدها
والا انت مثلك يالضعيف لا يشار ولا يشير=مالك مكانة بين مزحات السنين وجدها
لو كان تسكن فالقصور وتلبس انواع الحرير=العيب في ساس القصور النايفات يهدها
افرح ومتع ناظرك واستر بالخير الوفير=واحفظ حصيلك في شليلك والسلامة بدها
وان جيتني من ضدة الايام يالخايب مغير=ابشر بذيب(ن)لاوقف عند اللزوم يسدها

المشاركة الأصلية كتبت بواسطة عيضه الثبيتي (المشاركة 1134837) سالم وغانم يابن منيع صح لسانك قصيده متعوب عليها تحياتي

المشاركة الأصلية كتبت بواسطة وصل الشهيب (المشاركة 1134846) الأخ الشاعر فواز منيع الله الثبيتي صح لسانك على هالقصيده جزله من جزل تحياتي

المشاركة الأصلية كتبت بواسطة فهد الشهيب الثبيتي (المشاركة 1134889) ترادمت فوقي حمول(ن) مايقوم بها البعيـر وان شالها تالي حياته يشتكـي مـن ضدهـا حدتني الدنيا وجربت الصغيـر مـع الكبيـر لابو حياة(ن)ترخص الغالي ولا بـو جدهـا الله الله الله صح لسانك يابن منيع الله على هذه الشامخة جزلة من راس جزل

المشاركة الأصلية كتبت بواسطة الصويت الثبيتي العتيبي (المشاركة 1134916) صح السانك يا ابن منيع الله والقصيده في غاية الروعه وهذا مو غريب عنك لاانك ابن شاعر الكبير منيع الله الثبيتي وتقبل تحياتي وتقديري