ياللي بيدك الغيب ياعالي الشان = أطلبك من مدات جودك كرامه
أنت الذي تفتح من الخير بيبان = والكون كله في يدينك زمامه
وانت الذي حطيت للعدل ميزان = في دولة تطنخ بعدل وزعامه
دوله لها في هامة المجد بنيان = ساسه جويد ومنبع الاستقامه
أل السعود إن ثار عجه ودخان = تطحن رحاهم مثل يوم الرغامه
حكمٍ زهاه الدين في كل الاركان = والجهل قفى من بلدنا عسامه
واليوم في حكمٍ لطم كل طغيان = في حكم أبو متعب سليل الشهامه
الحاكم العادل على كل الاوطان = حكمه على بيداء الجزيره غمامه
حرٍ له البيضاء على راس ما بان = تنشر لأبو متعب من أول فطامه
الله يحفظ القايد الوالد الحان = والله يجيبه للوطن بالسلامه
تضماء له الانفس وتشتاق الاعيان = وفقلوب شعبه يرتفع به مقامه
من بعدها سلام حشمه وعرفان = يا سيدي متعب محل الفخامه
يالوافي الساطي لك أفضال وإحسان = وتستاهل المنصب بكامل تمامه
مناصبك تلبس من المجد تيجان = والمجد تملك في يدينك خطامه
في نظرتك حكمه وللخير عنوان = الخير مع متعب غلاه وغرامه
وفي قلبك من الجود للناس شريان = من جاك ما دارات عليه الندامه
ولك مدةٍ يروى بها كل عطشان = كفك على المدات معلن هيامه
مواقفك يشهد بها كل ميدان = تقلط على الموت الحمر بأبتسامه
وأنا وقفت وصغت بالشعر قيفان = يا سيدي للحب فيها علامه
مشاعرٍ من شاعرٍ موعده حان = إنه يعبّر بالولاء في كلامه
سطام أبن سلطان وإن كان ماكان = دون الوطن روحه وساطي حسامه
جندي بثامن فوج يرأسه سلطان = سلطان أبن ماجد بعيدٍ مرامه
نيابةٍ عنه ونيابه على شان = نايف ولد ضاوي وكيله حزامه
جينا نهني ياسلايل كحيلان = لك في مقام العز هامه وهامه
تزها بك الامداح والقاف طربان = وصيتك مخلد لين يوم القيامه

المشاركة الأصلية كتبت بواسطة نايف المغيبي (المشاركة 1135800) بيض الله وجهك وقصيده تستحق الاشاده

المشاركة الأصلية كتبت بواسطة الصويت الثبيتي العتيبي (المشاركة 1135807) بيض الله وجهك وقصيده رائعه

المشاركة الأصلية كتبت بواسطة ابن سرحان الثبيتي (المشاركة 1135811) الله يحفـظ القايـد الوالـد الحـان والله يجيبـه للوطـن بالسـلامـه تضماء له الانفس وتشتاق الاعيان وفقلوب شعبه يرتفـع بـه مقامـه آمين آمين والله يعطيك العافيه ياسطام جزاله وتمكن ماشاء الله عليك " صح لسانك مدد يالغالي " متابعين لقلمك الراقي " وتقييم بجداره "