جميع المشاكل غاطسه في عميـق النـوم=ولكـن ليـا جتهـا الشياطيـن صحتهـا
شياطين الأ نس مروجت هرجها المسموم =بكذب ونفـاق وغـش تنشـر دعايتهـا
تثيرالمشاكل والفتـن بيـن ليـل ويـوم=وترتـاح مـع كثرالمشاكـل وصجتهـا
طموحاتها فالوقـت نمـه وجمـع علـوم=نقلهـا فـلان ومـن فـلانـه بدايتـهـا
صفاتٍ رديه ماتجي غيـر فـأرذل قـوم=وعندك تزيـن أخلاقهـا وقـت حاجتهـا
على الغدرعاشوا والوفى عندهم معـدوم=يتيه النبيـه و لاعـرف ويـش غايتهـا
أناوش يوديني مع الشـارع المزحـوم=وأنا ويش أبـي بالخلـق ماريـد لجتهـا
مادام ان حقي واضـحٍ ماعليـة دحـوم=وش اللـي يوصلني للافعـى وشجرتهـا
أبلبس على قدي ومالـي عـن المقسـوم=ولـي منهـجٍ يحفـظ لنفسـي كرامتهـا
أحب النقى وأبعد عـن المنهـج المشـؤم=وأحب الصراحـه لـو تبيـن مرارتهـا
وأحب الوفى ومرافق العاقـل الشغمـوم=زحول الرجال اللـي تشـرف رفاقتهـا
وماني علـى الهـذار ومجادلـه ملـزوم=يحصـل عبـادٍ لهجتـه مثـل لهجتهـا
هبيلٍ عن اهل العرف سارٍ بـه الجاثـوم=لئيم ونفسـة همهـا دوب لقمتهـا
مع الخيل ياشقراء وفي كل بحـر يعـوم =ولـن مرتـه قـوم ٍتـلـوى بساقتـهـا
أبا اعـز نفسـي وأتركـه وأبتعدوأشـوموم = وبااغلق مجال اهل السوالف ومنتها
وسوق الردى ما أبيع به وأشتري وأسوموم =ومثلـي رجـالٍ هاجريـنٍ بضاعتـهـا
بضاعـة ردى بنيانهـا فوقهـا مهـدوموم=ونهـا بـرت كـل السلـوم وعراقتهـا
مجالٍ لمـن ماحسـب المنقـده واللـوم=ولابـو لحـى قـومٍ تهـاون بسمعتـهـا
وكـلٍ بمعرفتـه ولـه منهـجٍ مفـهـوم=وراع الرعيـه ينشـد عـن رعايتـهـا
أحد عارفٍ دربه وأحد سـاريٍ منجـوم=تعيـش العبـاد بماينـاسـب طبيعتـهـا