مبروك ياسيدي سليل المجد يانسـل الفهـود
فرحتي صاغت حروف الشعر لجل افهودهـا
مبروك ياعبدالعزيز بن فهـد شـوق العنـود
فرحه كست شبه الجزيره شعبهـا ووفودهـا
فرحة زفافك ياطويل العمر مـد بـلا حـدود
بين المحاني وردهـا وزهورهـا وحدودهـا
سطرتهـا باقـة غـلاء زفيتهـا باقـة ورود
لبن الزعيم اللي حمـا داره وعـز عدودهـا
ملك ملك يوم الجفا لحا الجزيره عـود عـود
الى ذرآ يـوم العـرآ بيـن سـواد جعودهـا
فهد فهد نعم الفهد يشهـد لـه التاريـخ جـود
هو من عصب راسه سطر يوم اشتبك بارودها
حنكة حصان ٍ ماتوانـا لايضـج ولا يحـود
الآ نطحهـا ماحسـب لجيوشهـا وجنودهـا
سطر له التاريخ مجد ٍ سطره نحت وصمـود
ونهجت منهاج الحصان اللي وفـا بعهودهـا
جيتك اهنيك الفرح فـي ديرتـي دار الفهـود
الله يهنـي شعبـهـا والله يـعـز فهـودهـا