يسلام الله على زبن الونيه=شاعرّ دايم على الوقفات ضاري
له نشيدّ بالجزاله ماش زيه=اشهدنه حاكم السّاحه جباري
عقب بندر يحتميها كل هيه=جاك بن عسّاف يقدح من شراري
يوم بعض الناس راحت في نحيه=في عيال العمّ ماجاب المزاري
فاللقا ناره على الأخصام حيه=والصقر معروف يفرس فالحباري
محتم الميدان في صبح وعشيه=ثابتّ يومّ ان غيره فانحداري
وقت تغزينا الشواوي والرعيه=احتماها كل ماقامت تباري
فالدفاع وفالصفوف الاوّليه=واقف الها فالهجاد وفالنهاري
هو حزامي والله الشاهد عليه=جعل عمره مايجي فيه انكساري
القصيده مرسله من ذي عطيه=اهل الابل والقنا واهل السواري
ولاعليكم زود ياربع الحميه=زدتم التاريخ عزّ وافتخاري
عزوة الجذعان عزوه صيرميه=شيخها رد البار والاعتباري

المشاركة الأصلية كتبت بواسطة المـرشدي (المشاركة 1146802) صح لسان قايلها وتسلم يمين ناقلها وتقبل مروري

المشاركة الأصلية كتبت بواسطة متابع ^_^ (المشاركة 1146811) لــه نشـيـدّ بالجـزالـه مــاش زيــه اشهـدنـه حـاكـم السّـاحـه جـبـاري عـقـب بـنـدر يحتميـهـا كــل هـيــه جاك بن عسّاف يقدح من شـراري يوم بعض الناس راحت في نحيـه فـي عيـال العـمّ ماجـاب المـزاري يستاهل شقير صح لسانك وسلم بناتك تحيه

المشاركة الأصلية كتبت بواسطة عبدالله الجـــذع (المشاركة 1147278) صح لسانك يالعطاوي ولاهنت يستاهل ابو جمال كل خير محبك