القلب واحد والهواجيس مليار
 

القلب واحد والهواجيس مليار=وهموم قلبي مزمنه ماتخليه


ترده هواجيس وهواجيس صدار=وتسبح بحر وتغوص بافكارها فيه


أذكر زمان(ن) فات وأزيد الاذكار=واطري الماضي وهوجس بطاريه


يوم البداوه لنشاما لها كار=وكل(ن) على ماقيل عرفه يقديه


لاجاء الربيع وهلت المزن الامطار=وبانت على نجد العذيه خباريه


تباركو ثم سير الجار للجار=الجار ياتي قبل جاره يناديه


وقت(ن) مخصص قولته شبة النار=والنجر يزهم كل من كان يوحيه


في مجلس(ن) عامر على بن وبهار=وسوالف (ن)باحكام واكرام تلقيه


يهرج كبير القوم ويعلم اصغار=ولحدن يسولف قبل مادور ياتيه


مافيه لانمه ولافيه ثرثار=الا رجال(ن) ماعليهم مشاريه


واليوم أنا في دار والربع في دار=أقفت بهم دنيا العناء والتهاتيه


اللي رحل مع ربع قصاف الاعمار=وسكن بقبر ودبرته عند واليه


بامر الاله الشافع النافع الضار=حنا مع السكه مع الدرب نمشيه


وأحدن لياشاف المدن يمها سار=يبا الرفاهيه وقته ممضيه


اللي رحل يمين واللي على يسار=كل(ن) على ماقيل يتبع مشاهيه


لاجيت في مرحانهم قلبي أحتار=والصبر أخمه مر وأمرار(ن)أخطيه


فكري يعوم بحر غبات الافكار=وراجع اللي فات وأذكر لياليه


لولا يسلي خاطري بدع الاشعار=وأذكر كلام(ن)زين ياطيب راعيه


اليوم يجري دوم والوقت دوار=لابد من يوم(ن)عرفنا مواريه

وسلامتكم

ضاوي عبدالله العتيبي

سالم و غانم

صح لسانك



تقبل مروري

صح بدنك

ولاهنت