الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - ياسامعي (http://www.otaibah.net/m/showthread.php?t=121716)

يــاسامعي تكـــفا تهيّض خاطري = هات القلم واكتب جميل الحـانها
أهـدّ واقنص مثل طير الكاســري = حـلـو المعاني وانـتـقي قيــــفانها
لقلتــها مثــل الجــواهر نــاثـــري = من سمعها يطرب على ميزانـها
أسمر على الشيلات ويا السامري = نـفــسي تبيّــح باللحـون اشجانها
قالوا علامك يالمشقّى ســـاهــري = قلت المحبــة تــشتــعل نـيـرانها
حــبٍ تــمكن في نواحي ضامري = من غــشــمرية ربـنا اللي زانــها
فيها الحسن سبحان ربي باهــري = منــطـوقـها مثــل العسل بلسانها
ماله شـبــيهٍ بـالزمان الحــاضري = ولا وصيــفٍ في جميـع ازمانها
فــايــق جـــماله للصبـايا قاهــري = اللــولو يـفرق بالوصايف دانـها
جــمال نـــفسه والجمال الظاهري = جملة عبير الكـون من ريحانـها

القصيدة جزلة واعجبني
جــمال نـــفسه والجمال الظاهري = جملة عبير الكـون من ريحانـها
الله يعطيك العافية وفالك التوفيق
ياعبد اللطيف الفضلي

بوسعد 2010

حياك الله والله يعافيك

لك مني كل الشكر والتقدير

شاعر مميز ورائع يالفضلي

صح السانك على القصيدة الرائعه

تقبل مروري

..
قالوا علامك يالمشقّى ســـاهــري = قلت المحبــة تــشتــعل نـيـرانها
حــبٍ تــمكن في نواحي ضامري = من غــشــمرية ربـنا اللي زانــها

.
صح لسااااانك ملاييين

قصيده جزله من شاعر جزل.
دمت بخير وننتظر جديدكــ.

أبو مرحبا

صح بدنك ملايين

أسعدني مرورك

تحيتي العطرة لشخصكم الكريم

مرزوق العتيبي

صح بدنك مليار

أعتز بمرورك الرائع

لك مني أجمل تحية