صحت جده على صوت الرعد والخوف صحاها=وهي تعرف صباح الاربعا ماهو صباح الخير
تجهم وجهها يوم المزن خيّل وغطاها=على عكس الديار ألي تباشر به ضحى وعصير
تخاف تموت موته للأبد بعد الله احياها=ويكسر خوفها التفكير فالاصلاح والتطوير
تفكر فالوعود ألي لها فتره تمناها=ولكن المطر جاها قبل لاتكمل التفكير
عثت فيها المزون ألي تداحم فالثرى ماها=وصار الواقع ألي ماتوقعته يجي ويصير
رجع نفس الوجع فيها بعد ملت من دواها=تحسّب نفسها طابت وهي مخدره تخدير
بكت من هول ماجاها وهز العالم بكاها=ولكن حسبها الله في هل الاهمال والتقصير
عروسن حالمه بس الزمن شيّن مزاياها=وخلاها تعيش مع الاوادم مالها تقدير
يقولون العرب جده بلاها من خطاياها=وأنا اقول الحقيقة مايفيد العذر والتبرير
عقوبة قوم صالح سبة الناقة وسقياها=وجده عاقبوها يوم سموها بجده غير

صح السانك ,,

قلت فأبدعت ووصفت الداء والدواء ...




بارووود

المشاركة الأصلية كتبت بواسطة مرزوق حمدان العتيبي (المشاركة 1155113) . ... مبدع يا ابراهيم صح الله لسانكـ .

المشاركة الأصلية كتبت بواسطة بدر بن عميش المقاطي (المشاركة 1155114) كالعاده ابدعت يابراهيم صح لسانك واعتلا شانك والله يعين اهل جده ويصلح الامه