الله يحي الضيوف وكل من جاني=البيت فاتح لمن هو جاني مسيّر
مدهال للطرقي وفاتح لجيراني=اللي لعلم الكرامه والوفاء نيّر
أهلاً هلا ياهلا باللي تنصاني=اهلاً هلا ياهلا بالطيب الخيّر
على الكرم والشحم ودلال رسلاني=اللي بها الهيل يطرب كل متحيّر
ادلالٍ اتقند بهيلٍ وخولاني=وسوالفٍ للرجال اتجاب وتسيّر
ومن لافتح باب بيت الطيب خسراني=خسران دنيا ودين وقدره صغيّر
ماله قدر عند قاص الناس والداني=وذكره على قد نفسه دايم قصيّر
واللي فتح باب بيته مقصده ثاني=يبى من المال اضنه يطلع اُميّر
مرٍ مع فلان ومرارٍ مع فلاني=هذاه سلمه عن الاسلام متغيّر
والطيب مامات يالولا العمر فاني=والعبد ماشي على دنياه ومسيّر

المشاركة الأصلية كتبت بواسطة مرزوق حمدان العتيبي (المشاركة 1155561) .. . صح الله لسانكـــ وكفو يانواف .. ...

المشاركة الأصلية كتبت بواسطة سيف نت (المشاركة 1155563) صــــــــــــــــح لسانك