مرحبا ترحيبةٍ كنها طعم الحليب=عد مالاحت بروق الحيا فخيالها
مرحبا بأسم العوازم مدلهت الغريب=ربعةٍ دايم وهي عاليا منزالها
ربعي اللي فالقا تكسر العظم الصليب=شجرةً يذري ذراها يضل ظلالها
العوازم من عتيبة مخلصة الطليب=ربعةً يامن ويرتاح من يلجالها
مرحبا بضيوفنا من بعيد ومن قريب=مابقي من ربعنا واحدً ماقالها
مرحبا واعداد ماتطلع الشمس وتغيب=مرحبا ياحرب قومن تعد افعالها
عزوةٍ بالطيب دايم لها حظ ونصيب=مزبن اللي شاف جور السنين وجالها
ربعةٍ بالطيب دايم تزيد الطيب طيب=الكرم من طبعها والوفا منوالها
حرب حرب أهل المواقف عما عين الحريب=عزوةٍ دايم عداها يشين فالها
تجهل مع الجاهلين ومع الطيب تطيب=عيبها لضيوفها طيب استقابالها
لواعد أمجادهم شبت قدام المشيب=الرمك من فعلهم حذفت بعيالها
والقبايل كلبوهم بلا شكً وريب=والله ونعمين بافعالها واقوالها
مايهضم حقوقهم غير مردي النصيب=كل دارً مثل قول المثل برجالها
وختمها مني صلاةً على ذكر الحبيب=عد ماتبدي نجوم السماء وهلالها