لك الله ياسهيل اللي بدا في عالي المــــــــــــــــــــرقاب=ترى في يوم كان الجــــــــو لي والأفق مرقابي
ومر الوقت مابين االشباب وكثرة الأصحــــــــــــــــاب=وانا اذكر اول الاصحاب واعرف أخر اصحابي
ودونت القصائد والشعر خطيتها بكـــــــــــــــــــــــتاب=وتبقى قابعة رغم الزمن في جــــــــوف دولابي
ونظرت لها بعد قفى الزمان اللي مع الأحبـــــــــــــاب=قضيته رغم قلة حيلتي مع صفوة أحبـــــــــــابي
ويا ما في الزمان اللي مضى من صاحبٍ كـــــــــذاب=ويا ما بالوفاء جاد الزمان وجــــــــــادوا أترابي
ويا ما عشت أنا واللي بسني في هلع وإرهــــــــــاب=ويا ما بالفرح ضحكاتهم كانت على حســــــابي
وأنا اذكر يوم كان العام يبدأ نرتبك ونهــــــــــــــاب=ويبكي بعضنا الفرقى ويغرق دمـــــــعي أهدابي
ونفرح بأخر الأسبوع لأجل نقابل اللي غـــــــــــاب=ونسأل بعضنا واحكي لهم وابرر غيـــــــــــابي
وأنا اذكر يوم تبدأ المدرسة مع زحمة الطــــــــلاب=وأنا ياما نسيت الواجب ومزقت أنا كتــــــــــابي
ويا ما ذقت من علقة من اجل اقرأ من اجل حساب=ويا ما كان ينهرني مديري وافقد أعصـــــــابي
وكم مرات عاتبني معلم واقهره بعتــــــــــــــــــاب=ومرة ينفعل مني ومرة يقبل أعتــــــــــــــــــابي
على ذاك الزمان اللي مضى يا ناس قــــــلبي ذاب=وأنا اذكر ملعبي واذكر ترابٍ كان يزهــــى بي
ودار الوقت دورة مسرعة والرأس مني شـــــــاب=ومر العمر مثل الطيف وقف همي على بابـــــي
ولا عندي من الماضي سوى ذكرى لشئ طــــاب=وطفلٍ يوم أشوفه غافلٍ يضــــــــــحك ويلهى بي
اعرف اني زمانٍ كنت مثله لي فرح وإعجـــــاب=ومر الوقت في قسوة وحطم قمة إعجــــــــــــابي
ولك الله ياسهيل ان كان ماتتعب من المرقاب=ترى المرقاب قبلك كان هو بيتي ومرقـــــــــــابي