سلامات أبا متعب وأجـر وسلامـات =سلامـات ياحـرٌ لـدارٍ..... عذيـه
سلامات ومعافـا وصحـه وخيـرات =وطولة عمـر طاعـه لـرب البريـه
آآلامك غدت للشعب حـزن وآآهـات =وعودتك أسـرت عالجـت كـل كيـه
بك الدار تزهو فـي ورود ومسـرات =يحلق فرحها فـي سمـاء الفيصليـه
فرحنـا بعودتكـم لـدار المـعـزات =ودار الكـرم والجـود والشاذلـيـه
فرَحنا بكم عجزت تصفـه العبـارات =وعجز القلم يكتـب حـروف ابجديـه
تخيرت في الابيات وأبغى الخيـارات =عساهـا تجملنـي ماتبخـل علـيـه
لك الفخر يسعى مثل سعي الشهامـات =ولك المدح يسمو في سماء العاذريـه
ولد حر وأنت حر تهـوى الطويـلات =بحب الكرم صار الكـرم لـك سجيـه
جمعت الوفاء والطيب والصدق والذات =وكـل السجايـا فيـك عٌليـا عليـه
ملكت القلوب ولجت ألسن بالاصـوات =تٌـردد دٌعاهـا كـل صبـح وعشيـه
تَعالج بما يُصرف وبعض العلاجـات =دٌعاء صالح يدعو لكـم فـي خفيـه
أقمت العدل وأعطيت جزل العطيـات =وحسست شعبـك بالكـرم والعطيـه
مسحت الدموع اللي على الخد سيلات =دموع اليٌتم فـي العـود والخالديـه
ولك في الشميسي بصمةٍضمن بصمات =أذاعت بهـا العالـم وهـي عالميـه
صحيح إنك الحاكم ورجـل المهمـات =أميـنٍ صـدوق ولاتحـب الخطـيـه
جمعت العرب للصلح في المؤتمـرات =وناديت بالاصـلاح فـي كـل هئيـه
تحب العفو وتسامح أهـل الخطيـات =وتفرح بحفل الشعـب فرحـه قويـه
لياصرت بين الشعب في الاحتفـالات =رأينـا أنبساطـك فيـه ميـه بميـه
مأثرك لـو اعدهـا ضمـن الابيـات =عجزت وعجز غيـري نفـوس أبيـه
تحيـه أقدمـهـا وألاف التحـيـات =لمقامـك السامـي وواجـب علـيـه