مع طريق خريص ياللي لمتني شف ويش صاير = يوم طلت في وانت تقول ياطول رقبتها
ياعذولي والله اللي عالمٍ كل السراير = عقب شوفتها وشفت سهومها صوبي رمتها
ول ياجرح العيون اللي تساقيه العباير = والسبب يوم نظرت فيه بنظره وحسمتها
صوبتني واوجعتني لين صار الضغظ ثاير = من سبايبها عزلت الناس والنار اشعلتها
صدفةٍ ماهيب مبروكه لنا غرة يناير = يوم جيتك يالرياض ورحلتي وين بركتها
رحت اراجع فالدواير ثم خشيت الدواير = والدواير طبعها معروف تفرض سيطرتها
فعلها معروف للعشاق يوم الحب جاير = جارنا الله من بلاويها وكم حالٍ برتها
يالرياض ان عاد جيتك ثانيه ماجيت زاير = جيت ادور حقي الضايع وادور محكمتها

المشاركة الأصلية كتبت بواسطة سنان الرمح (المشاركة 1247493) ,,, صح لسانك قصيدة رائعه بمعنى الكلمه,,,

المشاركة الأصلية كتبت بواسطة محمد بن غازي (المشاركة 1247498) صح لسانك يامحمد ........