هاض الخفوق و فاير الدمع صباب =والهم من بين الضماير كواني
واسباب ماجاب التوتر فالعصاب=وللي على نظم القصيده حداني
فرقاك يالي بالغلا فاق الاصحاب=ياموفين حق الخوي و العواني
يالي لك البيضا على راس مرقاب=يافزعت اللي دار وقته وشاني
يوم المراجل متعبت كل طلاب=صارت لك اطوع من عسيف العماني
يشهد عليه احباب و اصحاب و اجناب=يامجرّيٍ قلب الضعيف الهداني
اقفيت عنا و القضا جاله اسباب=و ما قدر الباري على العبد كاني
و جددت بي جرحن تحير به الاطباب=جرح سقط بين الظلوع المحاني
كم ودعت عيني مظانين و احباب=و غارات بقعا سابقتها ثواني
كم راح من صكاتها روس و اشناب=من عقبهم قلبي وهو مايداني
واليوم انا اودعك ياحصان الاطلاب=كني مودع واحد من اخواني
ولالي عن اللي قدر الرب مجناب=راضي بقسمة ربي الي عطاني
مير احتسب بالصبر من رب الارباب=يخلف علينا في المصايب حساني
وادعيلك اللي للمخاليق تواب=يجعل مقرك في وسيع الجناني
ويفتح لقبرك في ذرى جنته باب=ويعطرك بالمسك والزعفراني

المشاركة الأصلية كتبت بواسطة مرزوق حمدان العتيبي (المشاركة 1170004) .. . ولالـي عـن الـي قـدر الــرب مجـنـاب راضـي بقسمـة ربــي الــي عطـانـي مير احتسـب بالصبـر مـن رب الاربـاب يخلف علينـا فـي المصايـب حسانـي وادعـيـلـك الـلــي للمخـالـيـق تـــواب يجعـل مقـرك فــي وسـيـع الجنـانـي ويفتـح لقبـرك فــي ذرى جنـتـه بــاب ويـعـطــرك بـالـمـسـك والـزعـفـرانــي .. . امنّا بالله على قضاءه وقدره.. وإليه المآل . لافض فو ابو زايد مشاعر غير مستغربه صح الله لسانه ورحم الله الفقيد بواسع رحمته .. قصيده مؤثره وامـتلأت بالجزالة .. لاهنت ياحصان المعاني ....

المشاركة الأصلية كتبت بواسطة المـرشدي (المشاركة 1170005) صح الله لسانه ورحم الله الفقيد بواسع رحمته