أنا من الحب ما مليت =قلبي خضر مير يالوفه
ياكثر ماقبلت له واقفيت =واتعاب ماهيب مخلوفه
من يوم شفته على التوقيت =والنقش قد زين كفوفه
يابنت ردي ليا ناديت =اباسمع الصوت ووصوفه
ياشيب عيني ليا مريت =وناظرت زوله ونفنوفه
وزادت هجوسي بعد ماقفيت =والنفس ضاقت ومكلوفه
حاولت انا انساه مير ازريت =عيني على العشق مالوفه
ياذايع الصيت وين البيت =والنفس للزين ملهوفه
ياكثر ماجيت له وابديت =وادمج حروفي مع حروفه
ياذايع الصيت عندك صيت =مادمت من ناس معروفه
عطني حلولك ليا من جيت = القلب مجروح من جوفه