تريحو لين استمع قار الرسايل واكتبي = وارسل حكيمن مايوصى واستريح من الوصاه
مع احترامي ل الذكي وامع احترامي للغبي = كلن معه وجهة نظر وتوافقه على هواه
مير الا كيد الي لياء قاله حدن مايكذبي = مابات سبعن جايع الاقاعدن له حض شاه
وشلفا ذياب الي يقولون انها ماتتربي = اهوت على مبخوت واحرفها نصيبه ل الصفاه
وتشابهت ياسيدي في سوقنا برق العبي = معاد اميز لك عباتن وحده يابو عباه
ولا ني بمسكينن يظيق ليا خسر له مطلبي = والظيق تقفاه السعه والظيف مايشحذ قراه
وانابسج مع السعه واشمل برجلي واجنبي = واباتمتع بالطبيعه واتمتع بالحياه
واباتمشى بين امارات العرب واناعربي = من الطعوس ليامدا ينها ليا زرق المياه
وسج رجلي مع شواطيها وعيني تشربي = شرب الهواء الي يجبر الخاطر ولايقطع ظماه
ومن منطلق طبعي واناراعي بلد والاجنبي = حرن ليا شاف الطويل من البشواهيق اعتلاه
اباتغنا من علو برج الخليفه في دبي = الي مهب برج ايفل المايل ولاقلل حلاه
واصيح ل الحجاج من مكه ليا بيت النبي = واشهد المقبل مع الي قد عطى الديره قفاه
وانكف من البحر الحمر وارقاء الحجاز بمزهبي = واشهد كراء والطايف ورنيه وبيشه والمواه
واشهد صحاري نجد وامشي شرق معها واقربي = واشهد رياض العرب ومحافظاته مع قراه
واشهدك ياظلع الشقيب الي ظواك الاعربي = شب الاوسود الي يدور ورث جدانه واباه
عبدالعزيز الفيصلي سليل راع الاجربي = الي على المنهاج سار وسددالله في خطاه
واشهدك يابحر الخليج خلنا هل مذهبي = واشهد قطر والدوحه ام الخير موظيتن سماه
واشهدك ياحب الرمال الي جنوب ابوظبي = مع سمك غبة بحره وطوله عدد قطرات ماه
واشهد معي يالاب واشهد يالابن ظمن الابي = لياء شهد عودك نبا نشهدك ياريم الفلاه
وكل عربي من شرقي الاحواز لاقصى المغربي = لياء سمع صوتي يبا يشد على قولي هذاه
وانكن فيها حق في وجهي وفي سد شنبي = وان كان فيها غير نثلي عنها الايام تحداه
بيني وبين الخلق خلاقه وما وصى النبي = والعدل لايسرف على ظيفه ولايبخل علاه

المشاركة الأصلية كتبت بواسطة عبدالرحمن الـعتيبي (المشاركة 1180725) صح لسانك والله ويشهد الله من أحسن القصايد اللي قريتها لك لله درك بالتوفيق

المشاركة الأصلية كتبت بواسطة فايز بن سرحان الثبيتي (المشاركة 1180748) اباتغنا مـن علـو بـرج الخليفـه فـي دبـي الي مهب بـرج ايفـل المايـل ولاقلـل حـلاه رغم انها استخدمت رمز لكن اظن البرج المايل هو برج بيزا في ايطاليا ماهو برج ايفل " صح لسانك ياراع الزرقا قصيده محبوووكه واهدافها واااااجد " متابعين لك ـــ

المشاركة الأصلية كتبت بواسطة المفتش (المشاركة 1238281) العملاق صح لسانك وسلم بنانك وبوحك واعتلى شانك ياراعي الزرقاء

المشاركة الأصلية كتبت بواسطة عبدالله العتيبي .. (المشاركة 1238284) الله الله صح لسانك يافيصل ..