ميزت بالدنــيا وفكـــرت وامعنـــت =واشـــوف بالدنيــا غرايـــب كثيـــره
يالأدمـي لوكــان فيهـــا تهيمنـــت =مصــيرك الثــابت غطاك الحَفـيِـــره
مخلوق من لاشي وتعود وش انت =والعاقل اللــي عارفن وش مصيره
تسـمـعــولــي يوم بالحــق بينــت =واللي غلــط لازم يعــدل مسـيــره
توحيـد رب الـكون وتــفوز لاهنـــت =وصل الصلاه بوقتهــا لــك ذخيـــره
تـراك لازكــيت للمــال قــد صــنت =وصمت رمضان اللي عميمن بخيره
وحجيت مكه مع هل الخير واذنت =بالحج في تـلك الفجــوج المنيــــره
وان كان خمس اركان فيها تمكنت =يصــيرلك مــن عنــد الإلـه خيــــره
الله يضاعفلك حسانيــك لاحسنت =وتلقى صغيرات الحـساني كـبيـره
ودنيـــاك هذي زايــله لــو تيقـنــت =لكــن شــوفو بالعــقول البـصيــره
هذا الصحيح وقلت بالنصح واعلنت =سبحان من يعلم جميع السريــره
سبحان ربن عالـمن كـل ما اكنـنت = المعــتلي مجـر الـبحـور الغزيـــره
صــلاة ربي عـد مـاأكتــب ودونــت =واعــداد ماخـط القلـم بتعبـيـــــره