خاطرة من سعود المسيلي
 

لون القمر يازين لونه من بعيد
من طيب حظه كل واحد يحبه

بالغرب ولا الشرق من دون تحديد
مااعطاه واعلى منزله غير ربه

لكن ظني لو يحول في البيد
يصبح بغيض وكل واحد يسبه

ماضره انه عايش لحاله وحيد
حتى الهبايب تحسده ماتهبه

-----------------------------------

الشطر هذا مكسور

لكن ظني لو يحول في البيد


لو قال / لكن ظني لو يحول على البيد

مجرد ملاحظه

هلا بك ياعلي

والشطر سليم ولا فيه كسر حسب رأيي وقراءتي له

تحياتي لك

لكن ظني لو يحوولْ فيَل بيد(ساكن اللام والياء عليها فتحة تحل محل حرف)

انا انطقه هكذا ولا اشوف فيه كسر

حياك الله يابوفايح واكيد وجهة نظرك ونظر الاخ علي محلها الاحترام وانتم اخبر مني في هالامور بس لا حد الان ماتبين لي في النطق

اذا حطينا على البيد (اصلا تنطق علل بيد) الالف في على يندمج مع الالف في البيد وتصبح حرف واحد

واعتقد في اسوأ الاحتمالات يسمى ثقل مع اني لازلت اقول مافيه شي والله اعلم

ننتظر باقي الاخوة

تحياتي للجميع وتسلم اخوي فهد على النقل واعتقد من وجهة نظري ان البيت مافيه كسر
والملاحظة واردة لكن يا ليت تكون على القصايد اللي بالمنتدى وهذي مثل ما قال اخوي فهد خاطرة
واتمنى من الاخ ابو فايح يوضح الفرق بين معنى (في )و(على )وهل يتغير معنى البيت