قولوا لبو غازي عسي ماجرا باس = وش حاصلن له يوم طول غيابه ؟
أنشد ويطريلي ثمانين هوجاس = طوارين عنها .. تلوذ الاجابه
أحيان قوات الرجا تطرد الياس = واحيان جيش الياس تقبل ركابه
يادرعي غيابك عزلني عن الناس = واللى دروعه غايبه .. مايجابه

يامن يبلغ صاحبي طيب الراس = ان الوفا باقي ومفتوح بابه
لايلحقك فالوضع شكه ووسواس = اخوك ابو غازي على ماتهقابه
صح الزمن قاسي وانا رجل حساس = لكن يبقا السيف بيدي نصابه
الماس يبقي ماس مايرجع نحاس = هذي هي الزبده ياشاعر عتابه